Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
မိုင်းမတော်တဆမှုကြောင့် KLG PDF ရဲဘော် ၁ ဦးကျဆုံး
စစ်ကိုင်းတိုင်း၊ ကနီမြို့နယ်၊ အလယ်ကျွန်းပျူရွာအနီးကို ဖေဖော်ဝါရီလ ၈ ရက် ဒီနေ့မနက်ပိုင်းမှာ မိုင်းသွားဆင်ရင်း မိုင်းမတော်တဆမှုဖြစ်ပြီး ကျောက်လုံးကြီး KLG တပ်မဟာမှ ရဲဘော် ၁ ဦးကျခဲ့တယ်လို့ သိရပါတယ်။
“မနက် ၈ နာရီ လောက်မှာ အလယ်ကျွန်းရွာက ပျူတွေထွက်လာတယ်ဆိုလို့ မိုင်းသွားဆင်ရင်း မိုင်းမတော်တဆဖြစ်ပြီး ကျဆုံးသွားတာ၊ ရဲဘော် ၁ ဦး ကျဆုံးပြီး ၅ ဦး ဒဏ်ရာရပါတယ်” လို့ ကျောက်လုံးကြီး KLG တပ်မဟာမှ ရဲဘော်တဦးက ပြောပါတယ်။
မိုင်းဆင်နေချိန် ပေါက်ကွဲမှုဖြစ်ခဲ့တာကြောင့် အသက် ၂၈ နှစ်အရွယ် ရဲဘော်ဇော်ကြီးကျဆုံးခဲ့ကာ သူ့ရဲ့စျာပနကိုတော့ ဒီနေ့လယ် ၁ နာရီလောက်မှာ ပြုလုပ်ခဲ့ပြီး မိဘတွေနဲ့အတူ ဘုန်းကြီးတွေပင့်ကာ ကောင်းကောင်းမွန်မွန် သင်္ဂြိုလ်ခဲ့တယ်လို့ သိရပါတယ်။
အာဏာသိမ်းကာလ ၂ နှစ်အတွင်းမှာ စစ်ကောင်စီကို တော်လှန်ရင်း ကျောက်လုံးကြီး KLG တပ်မဟာမှ ရဲဘော် ၁၈ ဦး ကျဆုံးခဲ့ရတယ်လို့လည်း သိရပါတယ်။
#မြေလတ်အသံ
Share Share Share