“မိုင်းကွင်းထဲကို ဝင်လာတာက ၄ ကောင်ဝင်လာတယ်။ ၄ ကောင်ကတော့ အတုံးအရုန်းလဲသွားတယ်။ ချက်ခြင်းကြီးတော့ မသေဘူး။ မသေမရှင်ဖြစ်ပြီးတော့ မြို့သာဆေးရုံကို ပို့လိုက်တယ်။ ထိချက်က ပြင်းတော့ သေဖို့က များတယ်”
စစ်ကိုင်းတိုင်း၊ မုံရွာမြို့နယ်နဲ့ ချောင်းဦးမြို့နယ်ထဲမှာ စစ်ကောင်စီတပ်ဖွဲ့ဝင်တွေနဲ့ ပျူစောထီးတွေကို ဇန်နဝါရီ ၂၂ ရက်မနေ့ကတရက်တည်းမှာပဲ ဒေသခံကာကွယ်ရေးပူးပေါင်းတပ်ဖွဲ့တွေက ကြားဖြတ် တိုက်ခိုက်ရာ ထိခိုက်သေဆုံးမှုတွေရှိခဲ့တယ်လို့ တိုက်ခိုက်မှုမှာပါဝင်တဲ့ ဒေသခံကာကွယ်ရေးတပ်ဖွဲ့တွေဆီက သိရပါတယ်။
“သူတို့က ဘယ်လိုအခက်တွေနဲ့ စစ်ဘေးရှောင်လာရတာလည်းဆိုရင် စစ်တပ်ကင်းစခန်းနဲ့ ကျနော်တို့ ကြားထဲမှာ ပြည်သူတွေကကြားညပ်နေတာ၊ သူတို့က တောထဲမှာတဲတွေထိုးပြီးနေရတာ။ အဲ့ဒါကို ကျနော်တို့က သွားပြီးကယ်ထုတ်ခဲ့တာ။ သူတို့မှာဈေးဝယ်လို့လည်း အဆင်မပြေ၊ ဒုက္ခတွေ ရောက်နေလို့ ကျနော်တို့ဘက်ကို အကုန်လုံးခေါ်ခဲ့တော့တာ။”
“၁၇ ရက်နေ့ ညနေပိုင်းမှာပေါ့နော်၊ ရန်သူ့စစ်ကြောင်းသတင်းကြားလို့ သွားပြီးတော့ အဲ့ဒီမှာ မိုင်းသွားကာရင်း၊ မိုင်းသွားထောင်ရင်းနဲ့ မိုင်း Error တက်ပြီး ကျဆုံးခဲ့တာပါ။”
“သူက အုပ်ချုပ်ရေးမှူးဖြစ်တာ ၁ နှစ်နီးပါးရှိပြီ။ စစ်ကောင်စီအလိုကျ စစ်မှုထမ်းကြေးကောက်တာ ၃ ကြိမ်ရှိပြီ။ ၁ အိမ်ကို ၃၀,၀၀၀ နှုန်းကောက်တယ်။ နေအိမ်ထဲစစ်ဆေးမေးမြန်းပြီး ဖောင်းဒိုင်း ၂ ချက် ပစ်ခဲ့တယ်။”
ဇန်နဝါရီ ၁၈ ရက် မနေ့ည ၉ နာရီခန့်မှာ အုတ်တွင်းမြို့မှာတပ်စွဲနေတဲ့ စစ်ကောင်စီတပ်ဖွဲ့နဲ့ အုတ်တွင်းမြို့မရဲစခန်းက ရဲတပ်ဖွဲ့၊ အုန်းပင်ရွာအုပ်ချုပ်ရေးမှူး ပူးပေါင်းအင်အား ၇ ဦးဟာ မြို့နဲ့ ၂ မိုင်ခန့်အကွာ အုန်းပင်ကျေးရွာအုပ်စုကို ဆိုင်ကယ် ၄ စီးနဲ့ ကင်းလှည့်မောင်းနှင်လာစဉ် သံတိုင်ခင်ရွာအနီးမှာ အနီးကပ်တိုက်ခိုက်ခဲ့တာလို့ ဆိုပါတယ်။
“ကျနော်တို့နဲ့ ချိတ်ဆက်ပြီးဝင်လာတော့ မဟုတ်ဘူး။ သူကင်းစောင့်တဲ့နေရာကနေ ကင်းကျတဲ့အချိန်ထွက်ပြေးလာတာ။ ကျနော်တို့ရဲ့ ရှေ့ကင်းပုန်းက တွေ့တာဗျ။ တွေ့တဲ့အခါမှာ မေးတော့ ကျနော်အလင်းဝင်တာပါဆိုပြီး လက်ထောင်ပြီး အလင်းဝင်လာတာ။ ကျနော်တို့နဲ့ ချိတ်ဆက်ထားတာ မဟုတ်ဘူး။”
“အဲဒီရွာက ပျူစောထီးရွာဆိုတော့ ပေါက်-မြိုင်ဒရုန်းတပ်ဖွဲ့အင်အားစုတွေ၊ အဲ့ဘက်က ကာကွယ်ရေးတပ်ဖွဲ့ အင်အားစုတွေ ပေါင်းပြီး ဗုံးသီးချတိုက်ခိုက်ခဲ့တာ။”
“ကျနော်ကတော့ ပထမ သူ့ကိုဖမ်းဆီးမဲ့ ရည်ရွယ်ချက်နဲ့သွားတာ။ အဲ့ဒီအချိန်မှာ သူကပြန်လည်ခုခံတဲ့အတွက် ရင်ဘတ်နဲ့မျက်နှာကို ပစ်ခတ်ပြီးတော့ ရှင်းလင်းခဲ့တာ။ MA 3 သေနတ်နဲ့ ၃ ချက်ပစ်ပြီး ရှင်းလင်းခဲ့တာ။”
မန္တလေးတိုင်း၊ ငါန်းဇွန်မြို့နယ်၊ စက်မှုဇုန်ဘက်ကနေထွက်လာတဲ့ စစ်သား၊ ရဲနဲ့ ပျူစောထီး ပူးပေါင်းတပ်ဖွဲ့ဟာ ငါန်းဇွန်မြို့နယ်၊ လက်ပံကျင်း(တောင်)ကျေးရွာကို လက်နက်ကြီးတွေနဲ့ ပစ်ခတ်ဝင်ရောက်ပြီး နေအိမ်တွေကိုမီးရှို့ခဲ့တာကြောင့် ကိုယ်ဝန်ဆောင် ၁ ဦးအပါ ၄ ဦးသေဆုံးပြီး အိမ်ခြေ ၄၀၀ မီးလောင်ပျက်စီးခဲ့တယ်လို့ Zero ပြောက်ကျားတပ်မဟာ တပ်ရင်း ၇ မြင်းခြံခရိုင်တပ်ဖွဲ့ ဆီက သိရပါတယ်။
မကွေးတိုင်း၊ ပခုက္ကူခရိုင်၊ ပေါက်မြို့နယ်၊ ပင်တောင်ရွာက ဘုန်းကြီးကျောင်းထဲမှာ တပ်စွဲနေတဲ့ စစ်သား၊ ရဲနဲ့ ပျူစောထီးတွေကို ဒရုန်း ၃ စီးနဲ့ ဗုံးကြဲချတိုက်ခိုက်ရာ စစ်ဗိုလ် ၁ ဦး အပါအဝင် ၅ ဦး ဒဏ်ရာရတယ်လို့ ပေါက်တောင်ပိုင်း ပကဖ တပ်ဖွဲ့ လေ့ကျင့်ရေးနဲ့ အင်အားစုဖွဲ့ တာဝန်ခံက ပြောပါတယ်။
မကွေးတိုင်း၊ ချောက်မြို့နယ်၊ ဆည်ကန်ကျေးရွာက နေအိမ် ၃ လုံးကိုစစ်ကောင်စီတပ်သားတွေကမီးရှို့ ပြီး လင်းတကိုင်းရွာကဒေသခံတွေရဲ့ပစ္စည်းတွေကိုလည်း ယူသွားတယ်လို့ ဒေသခံတွေဆီက သိရပါတယ်။
"တကယ်လို့မှ မပေးဆောင်ရင် မဒဲရွာအရှေ့က ကျောင်းကုန်းကြီးကျေးရွာအုပ်စုနဲ့ ရေပုတ်ကလေးကျေးရွာအုပ်စုက ပျူစောထီးတွေကိုခေါ်ပြီးတော့ နေ့ချင်းညချင်း ဖမ်းဆီးခိုင်းပါမယ်ဆိုလို့ ခံဝန်ကတိတွေနဲ့ မပေးရင်မဖြစ်လို့ကြောက်အားလန့်အားကြီးပြီးတော့ ကျနော်တို့ပေးရပါတယ်"
“ ကျဆုံးသွားတဲ့ အသက် ၁၉ နှစ်အရွယ် တပ်ဖွဲ့ဝင်ဒေါင်းမင်းရဲ့ ဈာပနအခမ်းအနားကို ဇန်နဝါရီ ၁၂ ရက်မှာ မင်းဘူးခရိုင် အမှတ် ၅ တပ်ရင်းရဲ့ ထိန်းချုပ်ထားတဲ့ စလင်းမြို့နယ်အတွင်း မီးရှို့သင်္ဂြိုဟ်ခဲ့ပြီး အရိုးပြာကိုတော့ အိုးနဲ့ယူထားပြီး နောက်မှအုတ်ဂူလုပ်မှာ။”
"ကျနော်တို့ရဲဘော်တွေ ကင်းပွိုင့်နဲ့တွေ့ပြီးတော့ ထိပ်တိုက်ပစ်ခတ်မှုတိုက်ပွဲ ဖြစ်ခဲ့တာ။ သူတို့ဘက်က သေတော့သေတယ်၊ အတိအကျတော့ မသိရဘူး။ မနေ့က လင်းဇင်းရဲစခန်းထဲမှာတော့ အမိန့်ပြန်တမ်းလုပ်တယ်လို့ သိရတယ်။"
Sharing Information to the Local