Danger

ပွင့်ဖြူမှာတိုက်ပွဲတွေဖြစ်ပြီး နှစ်ဖက်တပ်ဖွဲ့နဲ့ အရပ်သားတွေသေဆုံးမှုရှိကာ အိမ်ခြေရာနဲ့ချီမီးလောင် ■ ကျေးရွာ ၁၅ ရွာခန့်က ဒေသခံ ၁၀,၀၀၀ ကျော်ထွက်ပြေးနေရ

“ စစ်ကောင်စီတပ်ဖွဲ့ဝင်တွေက ရော့ကတ်တွေနဲ့ ထုတယ်။ မီးလောင်ဗုံးတွေနဲ့ ကြဲတယ်။ မဒဲမြောက်ရွာကိုကျပြီး ၃ ပုံ ၂ ပုံနေအိမ်တွေ မီးလောင်သွားပါတယ်။ ရှိသမျှ ကား၊ ဆိုင်ကယ်၊ အိမ်၊ တိုက်၊ သိုလှောင်ထားတဲ့ ဆန်၊ စပါး၊ ငရုပ်၊ ကြက်သွန်တွေ ဆုံးရှုံးပါတယ်။”

ခလရ ၂၅၃ ကထွက်ပြေးလာတဲ့ စစ်ကောင်စီတပ်သားသစ် ၂ ဦး(ရုပ်/သံ)

စစ်ကောင်စီရဲ့ အပတ်စဥ် ၅ စစ်မှုထမ်းသင်တန်းကိုတက်ခဲ့ပြီးနောက် မကွေးတိုင်း၊ မင်းဘူးခရိုင်၊ စလင်းမြို့နယ် ခလရ ၂၅၃ ကိုအပို့ခံခဲ့ရတဲ့ စစ်ကောင်စီတပ်သား ၂ ဦးဟာ ဇန်နဝါရီ ၂၄ ရက်ညမှာ တပ်တွင်းထဲကနေထွက်ပြေးလာခဲ့ကြပါတယ်။

ရေစကြိုမြို့ ရုံးပေါင်းစုံရုံးဝန်းကို ကာကွယ်ရေးတပ်ဖွဲ့ဝင်တွေ တိုက်ခိုက်

“စစ်ကောင်စီတပ်သား ၂ ဦး ပေါင်ကိုထိခိုက်ဒဏ်ရာရရှိခဲ့ပါတယ်။ စစ်ကောင်စီတပ်သားရဲ့ ဇနီးကတော့ ဂုတ်ကိုမှန်ပြီးတော့ ထိခိုက်ခဲ့ပါတယ်။ စုစုပေါင်း ၃ ဦးထိခိုက်ဒဏ်ရာရရှိခဲ့ပါတယ်။”

မြောက်ယမားချောင်းကို ပြည်သူတွေနဲ့ ကာကွယ်ရေးအဖွဲ့တွေ သွားလာဖို့လွယ်ကူအောင် ကျောက်လမ်းခင်း (ရုပ်/သံ)

ယင်းမာပင်မြို့နယ် ကျေးရွာ ၁၅ ရွာလောက်ကပြည်သူတွေ သွားလာရအဆင်ပြေအောင် ယင်းမာပင်ခရိုင်တပ်ရင်းတခုက မြောက်ယမားချောင်းကူး ကျောက်ခင်းလမ်းကို ခင်းပေးခဲ့ပါတယ်။

ကာကွယ်ရေးအဖွဲ့  နယ်မြေထဲဝင်လာတဲ့ စစ်ကောင်စီစစ်ကြောင်း တိုက်ခိုက်ခံရပြီး သေဆုံးထိခိုက်သူ များပြားဟုဆို (ရုပ်/သံ)

မကွေးတိုင်း၊ စလင်းမြို့နယ်၊ ဆင်ဖြူကျွန်းမြို့၊ သရက်ချဉ်ကျေးရွာမှာ ‌ကာကွယ်ရေးအဖွဲ့တွေရဲ့ နယ်မြေထဲဝင်လာတဲ့ စစ်ကောင်စီစစ်ကြောင်း ၂ ရက်တာ တိုက်ခိုက်ခံရပြီး စစ်ကောင်စီဘက်က သေဆုံးသူတွေနဲ့ ဒဏ်ရာရသူ များပြားတယ်လို့ ဒေါင်းစစ်အောင် Local PDF ထံက သိရပါတယ်။

ဆင်ဖြူကျွန်းမြို့အနီးက ရွာ ၂ ရွာကို စစ်ကောင်စီမီးရှို့

မကွေးတိုင်း၊ စလင်းမြို့နယ်၊ ဆင်ဖြူကျွန်းမြို့အနီးက အုန်းတောရွာနဲ့ ကညှပ်ရွာကို စစ်ကောင်စီတပ်ဖွဲ့ဝင်တွေက မီးရှို့နေတယ်လို့ ဒေသခံတွေနဲ့ ဒေါင်းစစ်အောင် Local PDF ရဲ့ ထုတ်ပြန်ချက်အရ သိရပါတယ်။

ဆင်ဖြူကျွန်းမှာတိုက်ပွဲဖြစ်နေပြီး လက်နက်ကြီးဗုံးစထိမှန်လို့ အထက်တန်းကျောင်းသူ ၁ ဦး သေဆုံး ၄ ဦးဒဏ်ရာရ

အပြန်အလှန်ပစ်ခတ်မှုတွေအတွင်း ဇန်နဝါရီ ၂၈ ရက် မနေ့မနက် ၈ နာရီခန့်မှာ သရက်ချဉ်ရွာနဲ့ကပ်လျက် စလင်း-ဆင်ဖြူကျွန်း ကားလမ်းနံဘေးရှိ မိုးဝန်းကျေးရွာအတွင်း လက်နက်ကြီး ဗုံးသီးတွေကျရောက်ပေါက်ကွဲခဲ့လို့ ဆယ်ကျော်သက်အရွယ် ၁၀ တန်းကျောင်းသူ ၁ ဦး သေဆုံးခဲ့တယ်လို့ သိရပါတယ်။

ခလရ ၂၅၃ ကထွက်ပြေးလာတဲ့ စစ်ကောင်စီတပ်သားသစ် ၂ ဦး ကာကွယ်ရေးတပ်ဖွဲ့ဆီဘက်ပြောင်းခိုလှုံ

“သူတို့ ၂ ဦးက ခလရ ၂၅၃ တပ်ထဲကဝင်လာတာဗျ။ သင်တန်းအပတ်စဉ်လည်းအတူတူပဲပြောတယ်ဗျ၊ ဆက်သွယ်ပြီးအလင်းဝင်လာတာတော့မဟုတ်ဘူး၊ တပ်ထဲမှာ ဖုန်းသုံးရင်းနဲ့အလင်းဝင်ရတဲ့ ဌာနတွေကိုတွေ့တာလည်းဖြစ်တယ်၊ သူတို့ တပ်ထဲကနေထွက်ပြေးလာတာ၊ ၂ ညအိပ်ပြီး ကျနော်တို့ရဲ့ ဒေါင်းစစ်အောင် Local PDF ရဲ့ ပွိုင့်တွေနဲ့တွေ့ပြီး စောင့်ကြိုခေါ်ယူလာခဲ့တာ”

ရေစကြိုနဲ့ မြိုင်မှာ တိုက်ခိုက်ခံရလို့ စစ်သား ၅ ဦးသေဆုံးဟုဆို  ■ သေနတ် ၃ လက်နဲ့ကျည်တွေကိုလည်း ကာကွယ်ရေးအဖွဲ့တွေ သိမ်းဆည်း

မကွေးတိုင်း၊ ပခုက္ကူခရိုင်၊ ရေစကြိုမြို့နယ်နဲ့ မြိုင်မြို့နယ်အတွင်း စစ်ကောင်စီတပ်ဖွဲ့ဝင်တွေကို ဒေသခံကာကွယ်ရေးတပ်ဖွဲ့ဝင်တွေက တိုက်ခိုက်ခဲ့ရာ ၅ ဦးသေဆုံးပြီး လက်နက်ခဲယမ်းတွေလည်း သိမ်းဆည်းရရှိခဲ့တယ်လို့ မြိုင်မြို့နယ်ပြည်သူ့ကာကွယ်ရေးတပ်ဖွဲ့ဆီက သိရပါတယ်။

ကပစ ၂၂ တပ်က ဘေးပတ်လည်ရွာတွေကို လက်နက်ကြီးနဲ့ပစ်ခတ်နေပြီး နေအိမ်ပေါ်ကျလို့ အမွှာညီအကိုအပါ မိသားစု ၅ ဦးသေဆုံး

“ ၁၂၀ မမ လက်နက်ကြီးလို့ ယူဆရတယ်။ အပြစ်မဲ့ပြည်သူ ၅ ဦးသေဆုံးပြီးတော့ ၃ ဦး ထိခိုက်ဒဏ်ရာရတယ်။ သေဆုံးထိခိုက်ဒဏ်ရာရသူတွေကတော့ မိသားစုဝင်ဆွေမျိုးသားချင်း‌တွေပါ။“

ဝဲလောင်တိုက်နယ်ရဲစခန်း တိုက်ခိုက်ခံရပြီး ရဲ ၃ ဦးသေ၊ လေကြောင်းပစ်ကူကြောင့် ရဲစခန်းကို မသိမ်းနိုင်ခဲ့ (ရုပ်/သံ)

မန္တလေးတိုင်း၊ တောင်သာမြို့နယ်၊ ဝဲလောင်တိုက်နယ်ရဲစခန်းကို ဇန်နဝါရီ ၂၁ ရက် နေ့လယ် ၂ နာရီဝန်းကျင်မှာ ဒေသခံကာကွယ်ရေးတပ်တွေ ပူးပေါင်းတိုက်ခိုက်ခဲ့တယ်လို့ တောင်သာမြို့နယ် ပြည်သူ့ကာကွယ်ရေးအဖွဲ့ ဆီက သိရပါတယ်။

ပွင့်လင်းရွာတိုက်ပွဲမှာ အရာရှိ ၂ ဦးသေ၊ ၁၅ ဦးထက်မနည်းထိခိုက်သေဆုံးနိုင်ဟုဆို

“သူတို့‌ဖောကားပေါ်ကို နာနတ်သီး ၁ လုံးပစ်ထည့်ခဲ့တာ။ရှေ့ကကားကိုတော့ ပစ်မထည့်ဘူး။ နောက်ကလာတဲ့ ဖောကား ၁ စီးပေါ်ကို နာနတ်သီးပစ်ထည့်တာမှာ ပေါက်ကွဲတာ။ တော်တော်ပြင်းထန်လိုက်တယ်ပေါ့နော်။ သူတို့ဘက်ကလည်း ပစ်ခတ်မှုတွေရှိတယ်။ ကျနော်တို့ အပြန်အလှန်ပစ်ခတ်မှုတွေရှိခဲ့တယ်။ ဖောကား ၂ စီးနဲ့ပြန်လာတာ။ ကျနော်တို့သိရတာက ဝါဇီတပ်က စစ်သားတွေပါ။ သေသွားတဲ့ဗိုလ်ကလည်း ဝါဇီတပ်က ဗိုလ်လို့သိရတယ်။ ဗိုလ်အဆင့်ရှိတဲ့ အရာရှိ ၂ ဦးသေပြီး ၁၅ ဦးထက်မနည်း ဒဏ်ရာရတယ်။”

ဝါဇီငွေစက္ကူစက်ရုံနဲ့ အနီးရှိအထိုင်စခန်းတွေကို ကာကွယ်ရေးတပ်တွေတိုက်ခိုက်

“လက်ရှိကျနော်တို့ ကနဦးသတင်းရတာတော့ ဝါဇီစက်ရုံထဲမှာရှိတဲ့ အဆောက်အဦတွေ ထိမှန်ပျက်စီးတယ်၊ အထိုင်တပ်စခန်းတွေ ဒရုန်းနဲ့ဗုံးကြဲချတာတော့ စစ်ကောင်စီတပ်ဖွဲ့ဝင်တွေ အထိအခိုက်ရှိပြီး သေဆုံးမှုလည်းရှိတယ်၊ အရေအတွက်တော့အတိအကျမသိရသေးဘူး။”

စနိုက်ပါကျည်ထိပြီး ကျဆုံးခဲ့တဲ့ BLDF ရဲဘော်ကို ဂူသွင်းသင်္ဂြိုဟ် (ရုပ်/သံ)

ကျဆုံးသူဟာ အသက် ၂၄ နှစ်အရွယ် ကာကွယ်ရေးတပ်ဖွဲ့ဝင် ဇင်မျိုးလင်း (ခ) လင်းယုန်ဖြစ်ပြီး ဇန်နဝါရီ ၂၀ ရက် နေ့ခင်းပိုင်းမှာ စစ်ကောင်စီတပ်ဖွဲ့ကို တိုက်ခိုက်နေချိန် စနိုက်ပါကျည်ထိမှန်ပြီး ကျဆုံးခဲ့တာ ဖြစ်ပါတယ်။

ငါန်းဇွန်မှာ မိုင်းဆွဲခံရတဲ့ စစ်ကောင်စီ စစ်ကြောင်းက လူနေအိမ်တွေကို မီးရှို့ဖျက်ဆီး

“မိုင်းကွင်းထဲကို ဝင်လာတာက ၄ ကောင်ဝင်လာတယ်။ ၄ ကောင်ကတော့ အတုံးအရုန်းလဲသွားတယ်။ ချက်ခြင်းကြီးတော့ မသေဘူး။ မသေမရှင်ဖြစ်ပြီးတော့ မြို့သာဆေးရုံကို ပို့လိုက်တယ်။ ထိချက်က ပြင်းတော့ သေဖို့က များတယ်”

နောက်ဆုံးရ သတင်းများ

01
02
03
04
05
06
07
08
09
10