Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
သာယာဝတီမှာ CDM သူနာပြုဆရာမကြီးတစ်ဦးကို စစ်ကောင်စီဖမ်းဆီး
ပဲခူးတိုင်း၊ သာယာဝတီခရိုင်၊ သာယာဝတီမြို့က သူနာပြုဆရာမတဦး ဒီနေ့ မနက်ပိုင်း နေအိမ်မှာ လာပြီးဖမ်းခေါ်သွားတယ်လို့ ဒေသခံတွေ ဆီက သိရပါတယ်။
သာယာဝတီခရိုင်ဆေးရုံက အသက်၄၀ ဝန်းကျင် သူနာပြုဆရာမကြီး ဒေါ်ဥမ္မာကြည်ကို မတ်လ ၁၈ရက် ဒီနေ့ မနက် ၇နာရီ ဝန်းကျင်က ဒလံသတင်းပေးမှုကြောင့် ဓမ္မရိပ်သာလမ်းက အိမ်မှာ ဖမ်းခံလိုက်ရတာဖြစ်တယ်လို့ ဒေသခံတဦးက ပြောပါတယ်။
" အိမ်ပြန်ရောက်တာ ၂ရက်လောက်ပဲ ရှိသေးတာကို ဒလံသတင်းပေးမှုကြောင့် ရဲနဲ့ စစ်သား ၁၅ယောက်ဝန်းကျင်နဲ့ လာဖမ်းသွားတာ၊ လမ်းပိတ်ဖမ်းတာ သူ့အမျိုးသားကို ဆိုင်ကယ်မောင်းခိုင်းပြီး ခေါ်သွားတာ " လို့ ဒေသခံတဦးက ပြောပါတယ်။
အမျိုးသားဖြစ်သူကတော့ နေအိမ်မှာ ပြန်ရောက်နေပြီး သူနာပြုဆရာမကိုတော့ သာယာဝတီရဲစခန်းမှာဖမ်းဆီးထားတယ်လို့ သိရပါတယ်။
#မြေလတ်အသံ
Share Share Share