၂၀၂၃ နှစ်ဟာ တော်လှန်ရေးအတွက် အဆုံးသတ်နှစ်ဖြစ်လာမလားဆိုတာကတော့ ကာကွယ်ရေးတပ်ဖွဲ့အများစုမှာ လက်နက်လိုအပ်ချက်တွေ ရှိနေသေးလို့ ယတိပြတ် ပြောဖို့ ခဲရင်းနေတယ်လို့ စစ်ကိုင်းတိုင်း PDF အဖွဲ့တွေဆီက သိရပါတယ်။ မကွေးတိုင်း အခြေစိုက် Pauk PDF ဦးဆောင်သူလည်းဖြစ်ပြီး တော်လှန်ရေးလှုပ်ရှားနေတဲ့ အဖွဲ့တွေကို ကူညီပေးနေသူလည်းဖြစ်တဲ့ ဒေါ်လွင်လွင်မြင့်ကတော့ သူ့ရဲ့ အမြင်ကို မြေလတ်အသံ အင်တာဗျူးရုပ်သံမှာ အခုလို ဖြေဆိုထားပါတယ်။
ကျဆုံးရဲဘော်တွေဟာ Golden Eagle Myaylatt က အသက် ၁၆ နှစ် ရဲဘော်တေဇ နဲ့ အသက် ၁၈ နှစ်အရွယ် ရဲဘော်စစ်နိုင် တို့ဖြစ်ကြပြီး ပြီးခဲ့တဲ့ ၂၀၂၂ ဇန်နဝါရီလ ၂၉ ရက် နေ့မှာ ရခိုင်ရိုးမပေါ်က ပူးပေါင်းလေ့ကျင့်ရေးစခန်းမှာ စစ်ကောင်စီစစ်ကြောင်းနဲ့ ထိပ်တိုက်တိုက်ပွဲအတွင်းမှာ ကျဆုံးခဲ့တာဖြစ်ပါတယ်။ ကျဆုံးရဲဘော် တေဇ နဲ့ စစ်နိုင်တို့ဟာ ၁၀ တန်းကျောင်းပြီးထားသူများဖြစ်ပြီး ၂၀၂၁ ခုနှစ် အာဏာသိမ်းပြီးနောက်ပိုင်း တော်လှန်ရေးအတွက် Golden Eagle Myaylatt အဖွဲ့ကို ရောက်ရှိလာခဲ့ကြတာဖြစ်ပါတယ်။
“မြောင်နဲ့ကူတို့ကုန်းရွာအကြား ညနေ ၃ နာရီ ဝန်းကျင်မှာ ရှေ့ထွက်မိုင်း ၃ လုံးနဲ့တိုက်ခိုက်တာ၊ နေရာမှာတင်ပွဲခြင်းပြီး ၁ ကောင်သေတယ်၊ ဒဏ်ရာအပြင်းအထန် ၄ ကောင်ရပြီး ကားနဲ့စခန်းကို တိုက်သွားတယ်၊ စခန်းရောက်မှ ၃ ကောင်ထပ်သေတယ်” လို့ ပြောပါတယ်။
"မနက် ၉ နာရီလောက်ကနေ မအူပင်ကနေ စထွက်လာပြီးတော့ ရွှေဘိုမြို့နယ် အင်ကြင်းပင်ရွာအနောက်ဘက်က တဲတွေမီးရှို့တယ်။ ခင်ဦးမြို့နယ် ဗိုင်းကြိုင်ရွာမှာ မီးရှို့နေတယ်။ အိမ်ခြေက ၁၅၀ လောက်ပဲရှိတာ။ အခုမှ မီးစရှို့နေတာ။ စစ်ခွေးတွေက အဲဒီရွာမှာ ခဏနားနေတယ်။ ပြည်သူ ၂၀ ကျော်လောက် အဖမ်းခံထားရတယ်။ တပ်မ ၃၃ က စစ်ခွေးတွေနဲ့ ပျူတွေဝင်ရောက်နေတာ" လို့ ဗိုလ်ပျောက်ကြီးက ပြောပါတယ်။
စစ်ကိုင်းတိုင်း၊ ကနီမြို့နယ်အတွင်းမှာ CDM ဝင်ထားတဲ့ ဆင်ဦးစီးမိသားစုဝင်တွေအတွက် အထောက်အပံ့တွေ မရှိလို့ စားဝတ်နေရေးနဲ့ ကျန်းမာရေးပိုင်းမှာ အခက်အခဲ ဖြစ်နေတယ်လို့ သိရပါတယ်။ ပြီးခဲ့နှစ်ကုန်ပိုင်းမှာ ဆင်တွေ ကျန်းမာရေးမကောင်းလို့ ဆင် ၁ ကောင်သေဆုံးခဲ့ပြီး ဆက်လက်ရပ်တည်နိုင်ဖို့ ကိုလည်း အကြပ်အတည်းတွေ ဖြစ်လာခဲ့တာ ဖြစ်ပါတယ်။
"မနေ့က ခရီးသွားကားတစီးကို သူတို့တားစစ်ပြီး ကားပေါ်ပါသူတွေကို ဖမ်းဆီးလိုက်တာက ဟုတ်တယ်။ ဘယ်သူဘယ်ဝါဆိုတာ စုံစမ်းကြည့်တော့ ရေစကြိုဒေသခံတွေမဟုတ်ဘူးလို့တော့ သိရတယ်။ အဲဒီဂိတ်က ငွေတောင်းလည်း တအားကြမ်းသလို။ စစ်ဆေးတာလည်း တအားတင်းကြပ်တယ်။ ဖုန်းတွေပါယူစစ်တတ်တယ်"လို့ ပြောပါတယ်။
“နေ့လယ် ၁၁ နာရီမှာက ရှေ့ထွက်ပြောင်းတွေနဲ့ချလိုက်တဲ့အပြင် မိုင်းလည်းဆွဲလိုက်တယ်၊ ထိခိုက်ဒဏ်ရာရပြီး ကားလည်းမီးစွဲတယ်၊ ထိခိုက်တဲ့သူတွေကို ပြန်သယ်အပို့မှာလည်း ယမားတံတားပေါ်မှာ ထပ်ပြီး ပတ်လည်မိုင်းနဲ့ ထပ်ခွဲလိုက်တယ်၊ အဲဒါကတော့ ၁၂ နာရီလောက်မှာမိုင်းခွဲလိုက်တာ၊ မိုင်း ၂ ကြိမ်ဆွဲခဲ့တာပါ၊ ထိခိုက်ဒဏ်ရာရသူ ၅ ဦးရှိပြီး ၁ ဦးက သေနိုင်တယ်” လို့ ပြောပါတယ်။
"မနေ့ညနေက သရက်ကန်ရွာကိုရောက်နေတဲ့ စစ်ဗိုလ်က နည်းနည်းစွာတယ်လို့ကြားတယ်၊ သေနတ်ဖောက်ရင်လည်း နောက်ကထွက်လိုက်တတ်တယ်လို့ကြားတယ်၊ အဲဒါနဲ့ကျနော်တို့မိုင်းကွင်းကိုဆင်တယ်၊ သေနတ်ဖောက်ပြီးမြူလိုက်တယ်၊ ဆိုင်ကယ် ၂ စီး ကား ၁ စီး ခြေလျှင် ၃၀ လောက်ထွက်လာတယ်၊ ရှေ့ကထွက်လာတဲ့ ဆိုင်ကယ် ၂ စီးက ကျနော်တို့ဆင်ထားတဲ့မိုင်းကွင်းထဲကို ရောက်လာတယ်၊ မိုင်းကွင်းထဲရောက်လာချိန် တိုက်မိုင်း ၄ လုံးခွဲလိုက်တယ်" လို့ သူကပြောပါတယ်။
စစ်အာဏာရှင်ကို လက်နက်ကိုင်တော်လှန်နေတဲ့ စစ်ကိုင်းတိုင်းအခြေစိုက် Myin Mu Defence Force-MMDF အဖွဲ့က လမ်းဘေး လက်လုပ်မိုင်းဆွဲ အခြေအနေကနေ လက်နက်ကြီးထုတ်လုပ်နိုင်ခဲ့ပြီး တိုက်ပွဲဝင်နေပြီဖြစ်ပါတယ်။
“အစကတော့ နယ်မြေခံတပ်ရင်းတွေ တိုက်ခိုက်နေတာ၊ ကျနော်တို့က အခြားစစ်ဆင်ရေးတခုမှာ ရောက်နေတော့ အစောပိုင်းမှာ မပါလိုက်ဘူး။ ညနေပိုင်းမှာ ကျနော်တို့ကို တပ်ကူခေါ်တယ်။ ကျနော်တို့အင်အားစုပြီး အမြန်သွားရောက်ခဲ့တယ်။ ဘန်ကာတွေကို RPG နဲ့ ပစ်တယ်။ စက်ကလေးတွေနဲ့ ပစ်တယ်။ သေတဲ့သူတွေလည်း သေတယ်။ မီးလောင်တာတွေလည်း အများကြီးပါ။ ထွက်ပြေးတာတွေလည်း ရှိတယ်”
မကွေးတိုင်း၊ ဆိပ်ဖြူမြို့က မြို့နယ်ပညာရေးမှူးရုံး နဲ့ EPC ရုံးတို့ကို ဇန်နဝါရီလ ၂၆ ရက်ညပိုင်းမှာ ဒေသခံကာကွယ်ရေး တပ်ဖွဲ့ဝင်တွေက မိုင်းခွဲတိုက်ခိုက်ခဲ့တယ်လို့ သိရပါတယ်။ ည ၆ နာရီ ၄၂ မိနစ်မှာ မြို့နယ်ပညာရေးမှူးရုံး၊ ည ၆ နာရီ ၅၇ မိနစ်မှာတော့ မြို့နယ် EPC ရုံးကို မိုင်း ၁ လုံးစီနဲ့ ဖောက်ခွဲတိုက်ခိုက်ခဲ့တာလို့ သိန်းငှက်နက် ဆိပ်ဖြူတော်လှန်ရေးတပ်ဦး - B.H.S.R.F တပ်ဖွဲ့တာဝန်ခံက ပြောပါတယ်။ “ပညာရေးမှူးရုံးက ထိခိုက်မှုမရှိဘူး။ EPC ရုံးမှာက NonCDM ဝန်ထမ်း ၁ ယောက် မိုင်းစထိမှန်ပြီး ဆိပ်ဖြူမြို့နယ်ဆေးရုံ တင်ထားရတယ်” လို့ ပြောပါတယ်။
တိုက်ခိုက်မှုအတွင်း စစ်ကောင်စီဘက်က ဗိုလ်ကြီး ၁ ဦးနဲ့ တပ်ကြပ် ၁ ဦးသေဆုံးကာ ဗိုလ် ၁ ဦးကတော့ လက်ရှိမှာဆေးရုံတက် ကုသနေရတဲ့အပြင် Ma-3 ၁ လက်၊ ကျည်ဘောက် ၁ ခု၊ ကျည် ၆၈ ထောင့်၊ စကားပြောစက် ၁ လုံး နဲ့ အင်္ကျီ ၁ ထည် တို့ကိုလည်းသိမ်းဆည်းနိုင်ခဲ့တယ်လို့ ဗိုလ်လက်ယာက ဆက်ပြောပါတယ်။
ဦးအောင်ကျော်ဦးနဲ့ ဦးမြင့်ဌေးတို့မှာတော့ လည်ပင်းပြတ်ရှဒဏ်ရာနဲ့ သေနတ်ဒဏ်ရာတွေရရှိထားပြီး၊ ကျန် ၁ ဦးကတော့ ရုပ်ပျက်ဆင်းပျက်ဖြစ်နေတာကြောင့် ဘယ်သူလဲဆိုတာကို အတည်ပြုလို့မရသေးဘူးလို့လည်း ဆိုပါတယ်။
အဲ့ဒီတိုက်ပွဲမှာ စစ်အုပ်စုဘက်က စုစုပေါင်း ၁၀ဦးသေဆုံးခဲ့ပြီး ၁၈ဦးကို အရှင်ဖမ်းမိကာ လက်ရှိမှာ NUG ရဲ့ လမ်းညွှန်ချက်နဲ့ ဆက်ပြီးအရေးယူသွားဖို့စီစဥ်ထားတယ်လို့ FIRE Dragon (KU) ဗိုလ်ပျောက်ကြီးက ပြောပါတယ်။
“မနေ့ကညနေ ၃ နာရီမှာ သွားရောက်ထောက်ပံ့ပေးခဲ့တာ။ အိမ်ထောင်စု ၁၂၆ စုမှာ ၁ စုကို ဆန် ၁ ပြည် စီထောက်ပံ့ပေခဲ့ပြီး၊ စုစုပေါင်း ဆန် ၉ တင်း ထောက်ပံ့ပေးခဲ့တယ်” လို့ BIA-ဒီပဲယင်းအဖွဲ့ခေါင်းဆောင် ဗိုလ်သတ္တိက ပြောပါတယ်။
Sharing Information to the Local