ခန့်အောင်

ဝက်လက်မှာ စစ်ကြောင်းထွက်လာတဲ့ စစ်အုပ်စု တိုက်ခိုက်ခံရလို့ သေဆုံးမှုရှိ

"စစ်သားနဲ့ပျူတွေက ခန့်မှန်းအင်အား ၃၀ လောက်နဲ့ ထွက်လာတာကို မိုင်းဆွဲတိုက်ခိုက်ပြီး လက်နက်ငယ်တွေနဲ့ ပစ်တာပါ။ သူတို့ကလည်း ပြန်ပစ်တယ်။ ကြာမြင့်ချိန် မိနစ် ၂၀ လောက်တော့ ရှိမယ်။ မျက်မြင်ကတော့ စစ်အုပ်စုဘက်က ၅ ဦး သေတယ်။ ဝက်လက်ဆေးရုံကို ရောက်နေတဲ့ ၂ ယောက်လည်း ပြင်းထန်ဒဏ်ရာရတယ်" လို့ လျှပ်စီးပြောက်ကျားတပ်ဖွဲ့ - ဝက်လက်ရဲ့ သတင်းပြန်ကြားရေးတာဝန်ခံ မွန်ကြီးက ပြောပါတယ်။

စစ်ကိုင်းမှာ မီးရှို့ပြန်လာတဲ့စစ်တပ် တိုက်ခိုက်ခံရလို့ သေဆုံးမှုတွေရှိ

"ညောင်ပင်ဝန်းရွာက ရဲစခန်းပါ။ ခေတ်ကောင်းတုန်းကတော့ ရဲစခန်းပါ။ ခေတ်မကောင်းတော့ ရဲရော စစ်ခွေးရော ပေါင်းနေနေတာပါ။ မနေ့ကနေ့လည် ၁၁ နာရီဝန်းကျင်လောက်က မီးရှို့ပြန်လာတာကို တကြိမ်တိုက်ခိုက်ပြီး စစ်အုပ်စုက ညောင်ပင်ဝန်းရဲစခန်းကို ညနေ ၄ နာရီလောက် ပြန်ရောက်ချိန်မှာ လက်နက်ကြီးနဲ့ ထပ်ပြီး တိုက်ခိုက်တာပါ" လို့ ယက္ခညီနောင်အဖွဲ့ တာဝန်ရှိသူက ပြောပါတယ်။

မတ္တရာမှာ စစ်ကြောင်းထိုးလာတဲ့ စစ်ကောင်စီတပ်ကို ဒရုန်းနဲ့ဗုံးကြဲ

"မတ္တရာမြို့ပေါ်ကနေ စကျင်ရွာကို ကားနဲ့လာပြီး တခါခြေလျင်ဆက်လာတာကို ကျနော်တို့က ဟင်္သာရွာရောက်ခါနီးမှာ ဗုံးကြဲခဲ့တာ။ မျက်မြင်အရ စစ်သား ၄ ဦးနေရာတင် လဲကျသွားတယ်။ ရွာသားတွေ ပြောတာကတော့ ပျူ ၂ ဦးလည်း သေတယ်လို့ ပြောတယ်" လို့ Uniron အဖွဲ့ သတင်းတာဝန်ခံက ပြောပါတယ်။

ရွှေဘိုမြို့နယ်က တိုက်ပွဲမှာ PDF ၃ ဦးကျ

"သူတို့ဘက်က ပစ်လိုက်တဲ့ လက်နက်ကြီးကျည်ထိမှန်ပြီး ကျဆုံးသွားတာပါ။ ၂ ဦးကတော့ နေရာမှာပဲ ကျဆုံးခဲ့ပြီး ရဲဘော်ခန့်သီဟကတော့ ဆေးခန်းရောက်မှ ကျဆုံးသွားတာပါ" လို့ Black Wolf Army ရဲ့ တာဝန်ရှိသူက ပြောပါတယ်။

ကင်းပုန်းဝပ်လာတဲ့ စစ်ကောင်စီတပ် တိုက်ခိုက်ခံရပြီး ဒဏ်ရာရထွက်ပြေး

"ကျတော်တို့ရဲဘော်တွေ ပစ်တဲ့ 7.62 တတောင့်ထိုး၊ အန္ဒိယကျည်လို့ခေါ်တဲ့ ၉ လုံးကျည်တွေလည်း မှန်တယ်။ ဒဏ်ရာ ရသွားတာတို့ ခြေထောက်ကို ထိသွားတာတို့ တယောက်နဲ့ တယောက်တွဲခေါ်သွားတာတို့ ခွေးပြေးဝက်ပြေး ပြေးသွားတာတို့ကို မျက်မြင်တွေ့လိုက်ရတယ်" လို့ DRPA ရဲ့ သတင်းတာဝန်ခံက ပြောပါတယ်။

မတ္တရာမှာ ဘုန်းကြီးကျောင်းအတွင်း တပ်စွဲထားတဲ့ စစ်အုပ်စု ဗုံးကြဲခံရ

"စစ်တပ်က မနက် ၁၀ နာရီလောက်မှာ ရွာထဲကို ပစ်ခတ်ဝင်တာမှာ ကောင်မလေး၂ ယောက်ကို ကျည်ထိသွားတယ်။ ပြီးတော့ ဘုန်းကြီးမရှိတဲ့ ကျောင်းထဲကို တပ်ဝင်စွဲနေတာ။ ကျနော်တို့က နေ့လယ် ၁၂ လောက်ကစပြီး ကျောင်းဝန်းထဲကို ဒရုန်းနဲ့ ဗုံးကြဲတာ" လို့ ယူနီကွန်ပြောက်ကျားတပ်ဖွဲ့မှ တာဝန်ရှိသူက ပြောပါတယ်။

မန္တလေးက နယ်မြေရဲစခန်း တိုက်ခိုက်ခံရပြီး သေဆုံးဒဏ်ရာရသူရှိ

မန္တလေးတိုင်း၊ အောင်မြေသာစံမြို့နယ်က ရဲစခန်းကို ရုတ်တရက် တိုက်ခိုက်ခဲ့တဲ့အတွက် ရဲတဦးသေဆုံးကာ တဦးပြင်းထန်ဒဏ်ရာရရှိသွားတယ်လို့ ပြည်သူ့ကာကွယ်ရေးမြို့ပြပြောက်ကျားတပ်ဖွဲ့ − မန္တလေး Generation Z Power က ဇန်နဝါရီလ ၃၁ ရက်ဒီနေ့မှာ သတင်းထုတ်ပြန်ထားပါတယ်။

အသံတိတ်သပိတ်နေ့ စျေးဆိုင်‌တွေဖွင့်ဖို့ခြိမ်းခြောက် ဖမ်းဆီးထားတဲ့ဆိုင်ကယ်တွေကို အဲဒီနေ့မှာလာရွေးခိုင်း

စစ်တပ်က အာဏာသိမ်းခဲ့တာ၂ နှစ်ပြည့်တဲ့ မနက်ဖြန်ဖေဖော်ဝါရီလ ၁ ရက်မှာ နိုင်ငံတဝှမ်းနည်းတူ ပဲခူးမြို့မှာ ပြုလုပ်မယ့် အသံတိတ်သပိတ်ပျက်ပြားစေဖို့အတွက် စစ်ကောင်စီက စျေးဆိုင်ခန်းတွေဖွင့်ဖို့ ခြိမ်းခြောက်ပြီး လက်မှတ်ထိုးခိုင်းကာ လိုက်လံဖိအားပေးနေတယ်လို့ ဒေသခံတဦးက ပြောပါတယ်။

မုံရွာမှာ တိတ်ဆိတ်သပိတ်မှာ ပါဝင်ဖို့ လှုပ်ရှားမှုပြုလုပ် (Photo News)

စစ်ကိုင်းတိုင်း၊ မုံရွာမြို့ပေါ်က နေရာ ၄ ခုမှာ အညာပစ်တိုင်းထောင်လေးများအဖွဲ့က စစ်တပ်က အာဏာသိမ်းယူတဲ့ ၂ နှစ်ပြည့်နေ့မှာ ပြုလုပ်မယ့် တိတ်ဆိတ်သပိတ်မှာ ပြည်သူတွေအနေနဲ့ပါဝင်ဖို့ လှုံ့ဆော်တဲ့ Stickers တွေကို လမ်းမပေါ်မှာ ဖြန့်ကြဲတာနဲ့ လိုက်လံကပ်တာတွေကို ဇန်နဝါရီလ ၃၀ ရက် ဒီမနက်မှာ ပြုလုပ်ခဲ့ ကြပါတယ်။

ရေစကြိုတိုက်ခိုက်မှုမှာ စစ်အုပ်စုအထိနာလို့ ရေတပ်က ပစ်ကူပေးရ

"မင်းရွာမှာက စစ်တပ်နဲ့ပျူက အင်အား ၇၀ လောက်နဲ့ တပ်စွဲထားတာကို ကျနော်တို့က ပထမအကြိမ် လက်နက်ကြီး ၆ ချက်တပြိုင်တည်းပစ်ချလိုက်တာ၊ စုစုပေါင်းက လက်နက်ကြီး ၃၁ ချက်ပစ်လိုက်တာ၊ ဒီကောင်တွေခုခံအားကျသွားတော့ ချင်းတွင်းမြစ်ထဲကနေ ရေတပ်ကလှမ်းပစ်လို့ ကျနော်တို့ဆုပ်ခွာလာခဲ့တာ၊ ဒီကောင်တွေထိခိုက်မှုများနိုင်တယ်"လို့ MBTအဖွဲ့တာဝန်ရှိသူက ပြောပါတယ်။

ရေစကြိုမှာ စစ်ကောင်စီတပ် ကြားဖြတ်တိုက်ခိုက်ခံရလို့ သေဆုံးမှုရှိ

"သူတို့ကတောင်ပေါ်ကနေထော်လာဂျီအကြီးနဲ့ဆင်းလာတာ။ ကျနော်တို့ရဲဘော်တွေကပျောက်ကြားစနစ်နဲ့ကြားဖြတ်တိုက်ခိုက်ခဲ့တာပါ။ သူတို့ဘက်က ၆ ယောက်သေတယ်။တိုက်ပွဲကြာချိန်က နာရီဝက်လောက်ရှိတယ်"လို့ ရေစကြို (ပကဖ)တာဝန်ရှိသူက ပြောပါတယ်။

သဲကုန်းမြို့နယ်ကရာအိမ်မှူးတဦးသုတ်သင်ခံရ

သဲကုန်းမြို့နယ်၊ ကန့်လန့်ကုန်းအုပ်စု၊ အိုင်းကုန်းကျေးရွာက အသက် ၄၇ နှစ်အရွယ် ရာအိမ်မှူးကိုညီဂျော်(ခ)ထွန်းထွန်းနိုင်ကို နန်းထိုက်အောင် စစ်ဆင်ရေးအဖြစ် မြို့ပြပျောက်ကျားအဖွဲ့က မနေ့ည ၁၀ နာရီခွဲလောက်က သုတ်သင်ခဲ့တာလို့ ဆိုပါတယ်။

စစ်ကူလာတဲ့စစ်ကြောင်း ကြားဖြတ်တိုက်ခံရလို့ ၂ ဦးသေကာ ၃ ဦးဒဏ်ရာရ

"သူတို့က အင်အား ၃၀ ကျော်နဲ့ ဘိုကြီးစခန်းကို စစ်ကူလာတာ သတင်းရလို့ ပျဥ်းမခေါင်ရွာကို မရောက်ခင်မှာ မိုင်းဆွဲခဲ့တာ စစ်သား ၂ ယောက်က နေရာမှာပဲ သေတယ်။ ဒဏ်ရာရတာက ၃ ယောက်။ အဲဒီ ၃ ယောက်ကို ပျဥ်းမခေါင်ကျေးရွာက လူတွေက တောင်ညိုဆည်ဘက်ကို ထမ်းခေါ်သွားတယ်" လို့ Phoenix DF ရဲ့ တာဝန်ရှိသူက ပြောပါတယ်။

ဝက်လက်မှာ စစ်ကောင်စီစစ်ကြောင်း တိုက်ခိုက်ခံရလို့ သေဆုံးမှုရှိ

"သူတို့က မနေ့မနက်အစောပိုင်းကတည်းက စစ်ကြောင်းထွက်လာပြီး တနေကုန်ကင်းပုန်းဝတ်နေတာ ကျနော်တို့ကလည်း ဇွဲကောင်းကောင်းနဲ့ စောင့်နေတာ၊ သူတို့ထွက်လာလို့ ဝက်လက်ရွှဲရွာ အနောက်ဘက်လည်းရောက်ရော ကျနော်တို့က ပစ်တာမှာ သူတို့အလယ်ကောင်ကိုကျပြီး ထိကုန်တာ” လို့ ဝက်လက် Eagle Guerrilla Force အဖွဲ့ရဲ့ တပ်ရင်းမှူး ဗိုလ်ကောက်ရိုးက ပြောပါတယ်။

ရေစကြိုမှာ အစည်းဝေးလုပ်နေတဲ့စစ်အုပ်စု တိုက်ခိုက်ခံရလို့  ၂ ဦးသေဆုံး

"စစ်ကောင်စီကအကြီးပိုင်းတွေနဲ့ ပြည်သူစစ်ခေါင်းဆောင်မြင့်ဆွေ(ခ)မောင်မြင့်နဲ့ ပြည်သူ့စစ်အကြီးပိုင်းတွေ သူတို့တပည့်တွေအစည်းအဝေးလုပ်နေတာ၊ လူဦးရေတော့များတယ်၊ ကျနော်တို့ရုတ်တရက်ပစ်လိုက်တော့ ၂ ယောက်တော့အဲနေရာမှာပဲသေသွားတယ်၊ လက်ဖက်ရည်ဆိုင်ပိုင်ရှင်ကလည်း စစ်မှုထမ်းဟောင်းသူလည်းအတူတူပဲ" လို့ MBT အဖွဲ့ ခေါင်းဆောင်ဗိုလ်မိုက်ခဲ ကပြောပါတယ်။

နောက်ဆုံးရ သတင်းများ

01
02
03
04
05
06
07
08
09
10