သတင်းတို

သားမက်ဖြစ်သူ ဗိုလ်ကြီးအားကိုးနဲ့ထင်တိုင်းကြဲနေတဲ့ ကျီတော်ကျေးရွာအုပ်ချုပ်ရေးမှူး ပစ်သတ်ခံရ

"သူ့သမက်က စကစတပ်က အရာရှိဖြစ်တယ်။ ထန်းတပင်မှာ စကစ အားကိုးရဆုံး အုပ်ချုပ်ရေးမှူးတယောက်ဖြစ်တယ်။ ဒါကြောင့်လဲဒီဘက်က အဖွဲ့တွေကပစ်ခတ်ရှင်းလင်းလိုက်တာဖြစ်တယ်။"

အုပ်ချုပ်ရေးမှူးပစ်သတ်ခံရပြီး အလောင်းလာသယ်တဲ့စစ်အုပ်စုပါမိုင်းဆွဲခံရ

“အလောင်းလာသယ်တဲ့ကားမိုင်းထပ်ဆွဲခဲ့ရတော့ သူတို့ဖောကား ၂ စီးနဲ့ထပ်လာတယ်၊ မိုင်းကွင်းမရောက်ခင် ကားရပ်ထားပြီး ခြေလျင်စစ်ကြောင်းလာတယ်၊ အဲဒါကိုပြန်ပြီးတော့ ထပ်မိုင်းဆွဲလိုက်တယ်၊ ခွေး ၅ ကောင်သေပါတယ်၊ မိုင်း ၃ လုံးပဲဆွဲနိုင်ခဲ့ပါတယ်၊ အဲဒီမြို့နယ်တွေကစစ်တပ်ကလွှမ်းမိုးမှုရှိတာကြောင့် မိုင်းအများကြီးသုံးလို့မရပါဘူး”

အင်းတော်နယ်က နေအိမ် ၄၀ ကျော်နဲ့ စပါးကျီ ၃၀ ကို စစ်ကောင်စီမီးရှို့ ဖျက်စီးသွား

"စစ်**တွေက စစ်ကြောင်းနှစ်ခုပေါင်းထားတာ။ သူတို့က ၁၉ ရက်နေ့မှာ စက်တောကုန်းရွာကို ရောက်တယ်။ ညအိပ်ကြတယ်။ မနက်ရောက်တော့ ရွာကအထွက်မှာ အိမ်တွေကို မီးရှို့သွားခဲ့ကြတာပါ။ တိုက်ပွဲဖြစ်တာမရှိဘဲနဲ့ အကြောင်းမဲ့မီးရှို့ခဲ့တာ။ စပါးကျီတွေ၊ အိမ်တွေကတော့ ပြာပဲရလိုက်တော့တယ်"

မုံရွာမှာ ရွှေဆိုင်ဓားပြတိုက်ခံရပြီး ဆိုင်ရှင်အမျိုးသားသေနတ် ၅ ချက်အပစ်ခံရ

"လာတာက လူလတ်ပိုင်းအမျိုးသား ၃ ယောက်လို့ သိရတယ်။ ရွှေဆိုင်ကို ပစ်ခတ်ပြီးမှ ရွှေလုသွားတာ။ အများကြီးတော့ မပါသွားဘူး။ သူတို့သေနတ်နဲ့ပစ်လို့ ဆိုင်ရှင်အမျိုးသားတော့ ထိသွားတယ်။ ဆိုင်မှာက လင်မယား နှစ်ယောက်တည်းရှိကြတယ်လို့ သိရတယ်"

နေအိမ်မီးရှို့ခံလိုက်ရပြီးနောက် အိမ်ရှင်အမျိုးသား ကြိုးဆွဲချသေဆုံး

“စစ်သားတွေ အိမ်မီးရှို့ခံရပြီးကတည်းကနေစရာလည်းမရှိတော့ဘူးဆိုပြီး စိတ်ဓါတ်ကျတယ်လို့ ခဏခဏပြောနေတာ။ အဲလောက်ထိလုပ်မယ်လို့တော့ မထင်ဘူး”

ကန့်ဘလူမှာ ၆ တန်းကျောင်းသားတဦးကို စစ်အုပ်စုကသတ်ပြီး နေအိမ်ကိုပါမီးရိူ့

"စစ်တပ်နဲ့ပျူတွေက ဇီးပင်သာရွာကို လက်နက်ကြီးတွေနဲ့ ပစ်ခတ်ဝင်ရောက်မီးရိူ့နေချိန် ကလေးကကြောက်လို့ အိမ်သာနားပုန်းနေတာမှာ ပစ်သတ်ခံရတာပါ။ ပျူက ပစ်သလား၊ စစ်တပ်က ပစ်သလားတော့မသိဘူး။ အခုရွာထဲက စစ်တပ်နဲ့ပျူတွေထွက်သွားတော့ အလောင်းကတော့ မိဘတွေလက်ထဲရောက်ပေမယ့် သူ့အိမ်ပါမီးရိူ့ခံရတော့ ထားစရာမရှိဘူး"

သဲတောရွာတိုက်ပွဲမှာ စစ်ကောင်စီဘက်က ၅ဦးသေဆုံးနိုင်ပြီး PDF ၂ဦးကျ

"မနေ့က ဒီကောင်တွေက စစ်ကြောင်းထိုးလာတာ။ ဒီဘက်ကလည်း လက်နက်ကြီးတွေပစ်တယ်။ သူတို့ဘက်ကလည်းပစ်တယ်။ တိုက်ပွဲကကြာတယ်။ ရွာထဲတိုက်ပွဲမှာ ပူးပေါင်းအဖွဲ့က ရဲဘော်တွေကျတာရှိတယ်။ စကစ ဘက်ကလဲ ကျတယ်"

ရေစကြို ပိတ်သင်းကပ်ရွာက နေအိမ်တွေကို စစ်ကောင်စီတပ်တွေမီးရှို့သွား

"အဲကောင်တွေက ပြီးခဲ့တဲ့ရက်က ကျနော်တို့နဲ့တိုက်ပွဲဖြစ်လိုက်တဲ့ကောင်တွေပဲ။ သူတို့က ရွှေ့လျားစစ်ကြောင်း လျှောက်သွားနေတာ။ နေ့လည်ပိုင်းမှာ ပိတ်သင်းကပ်ကိုဝင်ပြီး မီးရှို့သွားတာ။ ဒေသခံတွေကတော့ သူတို့ ဝင်လာမယ် သတင်းကြားကတည်းကပြေးကုန်တာ။ တရွာလုံးရှို့သွားတာတော့မဟုတ်ဘူး"

ညောင်ငုတ်တို တိုက်ပွဲမှာ လေယာဥ်ပစ်ကူခဲ့လို့ PDF တပ်စိတ်မှူးတဦးကျဆုံး

ပစ်ခတ်မှုတွေ ဖြစ်နေချိန် ၈နာရီလောက်မှာ စစ်ကောင်စီတပ်က Mi35 စစ်ရဟတ်ယာဉ် တစီးနဲ့ ပစ်ကူပေးခဲ့လို့ စစ်ကိုင်းခရိုင်ပြည်သူ့ကာကွယ်ရေးတပ်မတော် တပ်ရင်း(၂)တပ်ခွဲ(၁)ကအသက် ၃၀ကျော်တပ်စိပ်မှူး ဗိုလ်ကသာရဲ့ ဦးခေါင်ကျည်ထိပြီး သေဆုံးသွားတယ်လို့ဆိုပါတယ်။

တိုက်ပွဲမဖြစ်ဘဲ စစ်တပ်က ထောက်ရှာပင်ရွာမှ နေအိမ် ၂၀ ကိုမီးရှို့ခဲ့

“အဲစစ်ကြောင်းက မြိုင်ကိုထိုးစစ်စင်နေတဲ့စစ်ကြောင်းပါ။ ပခုက္ကူတပ်ထဲကဖြစ်ဖို့များတယ်။ သေချာတော့မသိဘူး။ အခုစစ်ကြောင်းကနှစ်ကြောင်း တကြောင်းကမြိုင်ဘက်ကိုသွားတယ်။ နောက်တကြောင်းက ပေါက် မီးရှို့ခံရတဲ့ရွာအနီးမှာ ပျုရွာရှိတယ်၊ ပျူတွေနဲ့ ပေါင်းထောက်ရှာပင်ရွာကိုမီးရှို့တာ။ ရွာသားတွေလည်း အကုန်ရှောင်နေရတယ်”

ပခုက္ကူမှာ တပတ်အတွင်း ၂၀ ကျော်ဖမ်းဆီးခံရပြီး ၁၀ ဦးမှာမတရားပုဒ်မတပ်ခံထားရ

“လူငယ် ကျား/မ ၂မျိုးလုံးကို အဓိကထားဖမ်းနေတာဗျ၊ ဆိုင်ကယ်လိုင်စင်ဘာညာမပါလို့ အဖမ်းခံရတာ တပတ်ကို အစီးရေ ၁၀၀ ၀န်းကျင်ရှိတယ်၊ အဖမ်းခံရပြီး ဖုန်းထဲနိုင်ငံရေးပါတဲ့လူကတော့ ရိုက်နှက်စစ်ခံရတယ်၊ ၁၅ရက်နေ့ကလည်း လူငယ်တယောက်ဖုန်းထဲကနေ အမေစုပုံတွေ့တာ အဖမ်းခံရတယ်၊ နိုင်ငံရေးနဲ့ဖမ်းခံထားရတာ အနည်းဆုံး ၁၀ ယောက်လောက်ရှိမယ်"

ရေဦးနယ်ရှိ မီးရှို့ခံ ရွာ ၃ ရွာကဒေသခံတွေ အရေးပေါ် အကူညီလိုအပ်နေ

"ဇဝရှာရွာမှာဆိုရင် အိမ်ခြေစုစုပေါင်းက ၁၀၀ လောက်ပဲရှိတာ။ အဲဒီထဲက ၇၀ လောက်ပြာကျသွားတယ်။ ကျနော်တို့ဆိုလည်း အခုစာသင်ကျောင်းမှာ ဖြစ်သလိုနေနေရတယ်။ အိမ်မှမရှိတော့တာ။ အိမ်က ပြာပုံပဲကျန်ခဲ့တယ်။ စားသောက်ရတာကလည်း မီးရှို့မခံရတဲ့ရွာကလူတွေ ပေးကမ်းလို့စားနေရတယ်။ အများကြီးတော့မဟုတ်ဘူး။ သူတို့တတ်နိုင်သလောက်လေးပေါ့။ ဒီလိုပဲစားနေရတယ်"

သာယာဝတီမှာ ဆိုင်ကယ်နဲ့ ကင်းပတ်နေတဲ့ စစ်အုပ်စု မိုင်းဆွဲခံရ

"မိုင်းဆွဲပြီးတဲ့အချိန်မှာ စစ်ကောင်စီတွေဘက်က သေနတ်ဖောက်သံတွေအဆက်မပြတ်ထွက်လာတယ်။ သိပ်မကြာဘူး လူနာတင်ကားတွေ သွားတာမြင်လိုက်ရတယ် မိုင်းဆွဲတိုက်ခိုက်ခဲ့တာကြောင့် စစ်ကောင်စီတပ်ဖွဲ့ဝင်တွေသေဆုံးနိုင်ခြေရှိသလို ပြင်းထန်ဒဏ်ရာရသူတွေလည်း ရှိနိုင်တယ်"

CDM ဝန်ထမ်းတွေ ဘဝနေထိုင်မှုခက်ခဲနေပြီး အချို့က ကျောက်ကပ်ထုတ်ရောင်းဖို့ထိ စဥ်းစားလာနေ

"ကျနော်အသိ ပညာရေး CDM ဝန်ထမ်းတဦးဆို အလုပ်အကိုင်က အဆင်မပြေတဲ့ကြားထဲ ကျန်းမာရေးကမကောင်းတော့ ကြံရာမရတဲ့အဆုံး ကျောက်ကပ်ထုတ်ရောင်းဖို့ထိ စဥ်းစားလာတယ်။ အဆက်အသွယ်ရှိရင် ချိတ်ပေးပါလားဆိုတာထိ ဖြစ်လာတယ်။ ကျနော်ကိုယ်တိုင်လည်း ပညာရေး CDM ဝန်ထမ်း။ စကစ ကို တော်လှန်နေတဲ့သူဆိုတော့ သူတို့အတွက် ကူညီပေးနိုင်တဲ့ အင်အားမရှိဖြစ်နေတယ်"

မီးရှို့ခံလိုက်ရတဲ့ ရွာတွေကို PDF က စောင်နဲ့ အဝတ်အထည်တွေလှူဒါန်းပေး

"ရွာမှာရှိတဲ့မီးဘေးသင့်ပြည်သူစာရင်းကောက်ပြီး သွားလှူပေးတာပါ။ တရွာကို မီးဘေးသင့်ပြည်သူ ၁၀၀ ကျော်ရှိတယ်။ လက်ရှိမှာတော့ မီးဘေးသင့်ပြည်သူ‌တွေက စစ်ဘေးရှောင်စခန်းတွေ ဘုန်းကြီးကျောင်းတွေမှာနေရတာပါ။ ဘုန်းကြီးကျောင်းမှာ လာလှူတဲ့အစား အသောက်တွေ ချက်ပြုတ်ကျွေးနေရပါတယ်။ တချို့လည်း ကိုယ့်အိမ်ကိုယ်နေပြီး ရှိတာလေးနဲ့ချက်စားသောက်နေကြပါတယ်"

နောက်ဆုံးရ သတင်းများ

01
02
03
04
05
06
07
08
09
10