စစ်ကောင်စီတပ်ဖွဲ့ဝင်တွေဟာ စစ်ကိုင်းတိုင်းနဲ့ မကွေးတိုင်းဒေသက ကျေးရွာတွေကိုဝင်ရောက်တဲ့အခါ လူနေအိမ်တွေကို မီးရှို့ဖျက်ဆီးတာ၊ လူဖမ်းသတ်ဖြတ်တာတွေ ဆက်တိုက်ပြုလုပ်နေတာကြောင့် ဒေသခံတွေဟာ စစ်ကောင်စီတပ်ရဲ့ စစ်ကြောင်းတွေ ထိုးလာတဲ့အခါ ကျေးရွာထဲမှာ မနေရဲတော့ဘဲ ဘေးလွတ်ရာသို့ ထွက်ပြေးတိမ်းရှောင်ကြရပါတယ်။ ဒီလိုထွက်ပြေးကြရာမှာ စစ်ကြောင်းထိုးခံရတဲ့ကျေးရွာအပြင် အနီးအနားက ကျေးရွာတွေပါ ထွက်ပြေးကြရတာ ဖြစ်ပါတယ်။
တကယ်က မိုင်းပေါက်ကွဲနေတာကို သူ့အကြားအာရုံက မသိတော့ဘဲ ကုန်းအော်နေတာသာဖြစ်ပါတယ်။ သူ့ညီဆီကမူ ဘာအသံမျှ ထပ်မကြားရတော့ဘဲ ငြိမ်သက်တိတ်ဆိတ်သွားပါတယ်။ “ကျနော့်ညီဆို မီးသွေးတုံးလိုပဲ မီးလောင်သွားတာ” လို့ သူညီ သေဆုံးသွားခဲ့တဲ့ ပုံစံကိုပြောပြပါတယ်။ အဲဒီပေါက်ကွဲမှုကြောင့် သူ့ညီအပါအဝင် ၆ ယောက်က ပွဲချင်းပြီးသေဆုံးပြီး သူအပါအဝင် ၃ ယောက်က ပြင်းထန်ဒဏ်ရာရခဲ့ပါတယ်။
ဒီကာလကြီးမှာ ကားမောင်းရတာ ကျနော်တို့ ကားဆရာတွေအတွက် အရမ်းကို အန္တရာယ်များပါတယ်ဗျာ။ ကားမောင်းရင်း တိုက်ပွဲနဲ့ကြုံလို့ ကားအောက် ဝင်ပုန်းခဲ့ရတဲ့အချိန်တွေ၊ ရှေ့မှာတိုက်ပွဲဖြစ်လို့ လမ်းပိတ်ပြီး ထမင်းငတ်ခဲ့ရတဲ့အချိန်တွေ ရှိခဲ့တယ်။ နောက်ပြီး စစ်ကြောင်းရှိတာ မသိဘဲ သွားမိလို့ တိုက်ပွဲဖြစ်တဲ့အခါ တိုက်ပွဲကြားညပ်ပြီး လက်နက်ထိဆုံးသွားတဲ့ ကားဆရာတွေ၊ စစ်ကောင်စီတပ်က ကားချောဆွဲတာပါသွားလို့ တော်လှန်ရေးအင်အားစုက ဖြတ်တိုက်တာခံရပြီး အသက်ဆုံးရှုံးလိုက်ရတဲ့ ကားဆရာတွေ၊ ခရီးသွားနေရင်း တိုက်ပွဲနဲ့ကြုံပြီး လက်နက်ကြီးထိလို့ ဒဏ်ရာရတဲ့ဟာရ၊ အသက်ဆုံးရှုံးတဲ့ဟာ ဆုံးရှုံး ဖြစ်ခဲ့ရတဲ့ ခရီးသည်တင် ကားဆရာတွေနဲ့ ခရီးသွားပြည်သူတွေ စတဲ့ အဖြစ်အပျက်တွေ အများကြီး ရှိခဲ့ကြတယ်။
“သူတို့နောက်မှာ ကျန်နေတဲ့ မိသားစုတွေကို အသိပေးချင်တာက ရင်ဆိုင်တိုက်ပွဲတွေမှာ စကစဘက်က သူတို့အောက်ကကောင်တွေကို Human Wave ခေါ်မလား၊ ရှေ့မှာဒီလောက် အပုံလိုက်သေနေတာကို ပြန်မဆုတ်ခိုင်းဘူး။ အတင်းထပ်ပြီး တက်ခိုင်းနေတာ၊ သေရမှာသိသိကြီးနဲ့ ထပ်တက်ခိုင်းတော့ တက်ရပြီး အပုံလိုက်တွေသေကြတာ။ စစ်တိုက်နေတာနဲ့မတူဘူး သပ်သပ်အသေလာခံနေသလိုဖြစ်နေတယ်”
သူတို့အားလုံးရှေးရှုသွားရာ အမှောင်ထုရဲ့နောက်ကွယ်မှာ သေမင်းရဲ့စစ်သည်တော်တွေ စောင့်ကြိုနေကြတယ်ဆိုတာတော့ သူတို့အားလုံး မသိလိုက်ကြပါ။ သူတို့တွေ ရွာကထွက်သွားပြီး မိနစ်ပိုင်းအကြာမှာတော့ “ ဒိုင်း... ဒိုင်း...ဒိုင်း...” ဆိုတဲ့ သေနတ်သံတွေ ဆက်တိုက်ထွက်ပေါ်လာပါတော့တယ်။
အာဏာသိမ်းစစ်ကောင်စီဟာ ၂၀၂၁ မိုးအကုန် ပွင့်လင်းရာသီကစလို့ စစ်ကိုင်းတိုင်းနဲ့ မကွေးတိုင်းအထက်ပိုင်း၊ ဂန့်ဂေါခရိုင်၊ ယောဒေသ စတဲ့အညာဒေသတဝိုက်မှာ အကြီးစားစစ်ဆင်ရေးတခု လုပ်နေတယ်လို့ တပ်သတင်းရင်းမြစ်တွေက ဆိုပါတယ်။ ဒါပေမဲ့ အညာဒေသရဲ့ လက်ရှိ စစ်ဆင်ရေးအခြေအနေကို ကြည့်မယ်ဆိုရင် စစ်ကောင်စီတပ်သားတွေဟာ စခန်းအပြင်ထွက်ပြီး လက်ဖက်ရည်ဆိုင်ထိုင်တာ၊ အစားအသောက်ထွက်စားတာ မဆိုထားနဲ့ စခန်းခြံစည်းရိုး အပြင်ထွက်ရုံနဲ့တင် ဒေသကာကွယ်ရေးတပ်တွေရဲ့ ပစ်ခတ်တိုက်ခိုက်တာတွေကို ခံနေရပါတယ်။
အခုလိုပဲခူးတိုင်းအနောက်ခြမ်းမှာ စစ်ကောင်စီကလုံခြုံရေးတိုးမြှင့်လာတာဟာ တောင်ပိုင်းတိုင်းစစ်ဒေသအမှတ် ၂ စစ်ဒေသခွဲရဲ့ ထုတ်ပြန်ချက်၊ ပဲခူးတိုင်းအရှေ့ခြမ်း စစ်ရေးအရှိန်မြှင့်လာမှု၊ PDF စိုးမိုးနယ်မြေတွေများလာမှုနဲ့ တိုင်းရင်းသားလက်နက်ကိုင်အဖွဲ့တွေက ကျေးရွာအချို့ကို ထိန်းသိမ်းထားနိုင်တဲ့ အခြေအနေတွေနဲ့ သက်ဆိုင်တယ်လို့ သာယာဝတီခရိုင်ပကဖမှ တာဝန်ရှိသူတဦးက ပြောပါတယ်။
ကျောင်းပေါ်သို့ရောက်သည့်အခါ ဗိုလ်ပျံလွှားက “ကျနော် ပျံလွှားပါ” ဟု စတင်မိတ်ဆက်သည်။ ပြီးလျှင် မင်းတပ် တော်လှန်ရေးကစလို့ မကွေးတိုင်းပေါက်မြို့နယ်၊ ကင်းမရွာမှာ စတင်ခဲ့သည့် သူ၏လက်နက်ကိုင် တော်လှန်ရေးခရီးအစကို မိတ်ဆက်ကာ ရှင်းပြသည်။ ဗိုလ်ပျံလွှားက ထိုသို့စကားပြောနေစဉ် မင်းတုန်းပကဖအဖွဲ့မှ ဒုတိယခေါင်းဆောင် ကိုဒေါင်းသည် ငကုန်းစာသင်ကျောင်းဆောင် အရှေ့ဘက်ရှိ လှေခါးမှနေ၍ ဗိုလ်ပျံလွှားအား သေနတ်ဖြင့် လှမ်းပစ်လိုက်သည်။
မြေလတ်အသံသတင်းဌာနရဲ့ ကောက်ခံပြုစုထားတဲ့စာရင်းအရ PDF ၆၀ ကျော်သေဆုံးခဲ့တာကို တွေ့ခဲ့ရပေမယ့် အညာဒေသက ဒေသကာကွယ်ရေးတပ်ဖွဲ့တချို့ကတော့ အဲဒီစာရင်းအရေးအတွက်ထက် ပိုမိုများနိုင်ပြီး စုစုပေါင်း သေဆုံးစာရင်းဟာ ပြည်သူတွေမပါဘဲ PDF တွေချည်းပဲ ၈၀ ကျော်ရှိနိုင်တယ်လို့ ဆိုပါတယ်။
“ကျနော်တို့ကို တော်လှန်နေထိုင်ခွင့်ပေးထားတဲ့ ဒီဒေသအတွက် တော်လှန်ရေးကာလမှာ ပြန်လည် ကျေးဇူးဆပ်ချင်တဲ့အတွက်၊ ခေတ်အဆက်ဆက်က ကျရှုံးသွားရတဲ့၊ သူရဲကောင်းတွေကို ကိုယ်စားပြုတဲ့ Revolution Forest လေးတခု ဖန်တီးမယ်ဆိုတဲ့ အတွေးပေါ့”
အခုလိုကာလမျိုးမှာ ပြည်သူအချို့ဆီက " စစ်ကိုခေါ်လို့ မီးရှို့ခံရတယ်"ဆိုတဲ့ ဝေဖန်သံတွေ ပြစ်တင်သံတွေ ထွက်ပေါ်လာခဲ့သလို စစ်ကောင်စီဘက်ကလည်း အဲ့ဒီလို ဝါဒဖြန့်တာတွေ လုပ်လာနေတယ်လို့ သပိတ်တက်ကြွလှုပ်ရှားသူ မချောစုဟန်က ပြောဆိုထားပါတယ်။
ပန်းပန်ရင် အဖမ်းခံရတဲ့ တိုင်းပြည်ကြီး။ ကမ္ဘာ့စံချိန်ဝင် မှတ်တမ်းတင်ရတော့မယ်။ ပန်းပန်ရင် နန်းဆန်တယ် ဆိုတဲ့ ချစ်စရာကောင်းပြီး ကျက်သရေရှိတဲ့ မြန်မာ့သီချင်းစာသားတောင် မင်းဟောင်လှိုင် တဖြစ်လဲ မင်းချောင်လှိုင်လက်ထက်ရောက်မှ ပြောင်းရတော့မယ်။ သီချင်းစာသားတောင် ပျက်ရမယ့်ကိန်း။ ပန်းပန်ရင် ထောင်နန်းစံရမယ်လို့။
အစ်ကိုကြီး ညီလေး ပုခုံးဖက်တော်လှန်ရေးဖြစ်နေမလားဆိုတဲ့ အတွေးတွေကြားမှာပဲ တိုင်သမျှ၊ တင်ပြသမျှဟာ ပဲခူးအနောက်ခြမ်း သာယာဝတီခရိုင်အဖွဲ့တွေဆီ ဒီနေ့ထိ ဖြစ်ဖြစ်မြောက်မြောက် ရောက်မလာသေးဘူးလို့ ရိုးမအင်အားစုတွေဆီက သိရတယ်။
စစ်ကောင်စီတပ်စခန်းနဲ့ စစ်ကြောင်းတွေကို ဒရုန်းတွေနဲ့ တိုက်ခိုက်တဲ့နေရာမှာ Jammer တွေကို ကြောက်ရပေ မယ့် အာစီလေယာဉ်တွေကတော့ အလျင်အမြန်မောင်းနှင်နိုင်တာအကြောင့် Jammer တွေကို ရှောင်တိမ်းနိုင်တဲ့ အားသာချက်ရှိတယ်လို့ ဆိုပါတယ်။ ဒါကြောင့် အာစီပလိန်းလေယာဥ်ဟာ စစ်ကောင်စီတွေကို အတိုင်းအတာ တခုထိတော့ ခြိမ်းခြောက်နိုင်လာတယ်။
အားလုံးသိတဲ့အတိုင်း ရေရှည်မှာတော့ တိုင်းရင်သားညီအစ်ကိုတွေရဲ့ လက်ကို ဆွဲကိုင်ရင်း ဗမာပြည်သူ တွေ ကိုယ့်ခြေထောက်ပေါ်ကို ရပ်တည်ရမယ်။ ရှေ့ဆက် ကိုယ်ထူ၊ ကိုယ်ထရမယ်။ လက်ရှိမှာတော့ အညာမြေက ဗမာတွေအတွက် ဗမာပြည်သူတွေအားလုံး လက်ချင်းဆက်၊ ရင်ချင်းအပ်ရမယ်။ အညာမြေ၊ ဗမာပြည်က တော်လှန်ရေးသမားတွေလိုအပ်နေတဲ့ မောင်းပြန်တွေ၊ လေယာဉ်ပစ်တွေ ဝိုင်းကူ၊ ဝိုင်းလှူကြရမယ်။ အညာမြေအတွက် တရက်ကြာရင် တရက်နာတယ်။
Sharing Information to the Local