အခုလို စစ်ကောင်စီယာဉ်တန်းတွေ မကြာခဏမိုင်းဆွဲခံရတဲ့အတွက် နောက်ပိုင်းမှာ စစ်ကောင်စီဟာ ခြေလျင်စစ်ကြောင်းနဲ့ မိုင်းရှင်းတာတွေ လုပ်ခဲ့ပါတယ်။ ဒါပေမဲ့ မိုင်းရှင်းလာတဲ့ ခြေလျင်စစ်ကြောင်းကိုယ်တိုင် မိုင်းဆွဲတိုက်ခိုက်ခံနေရတဲ့အဖြစ်ပါ။
အမှန်နဲ့အမှား တရားမှုနှင့်မတရားမှု ဓမ္မနှင့်အဓမ္မ တို့သည် စာသင်ကျောင်းများတွင် ဆိတ်သုဉ်းပျောက်ကွယ် သွားသည့်အခါ တချို့က စာသင်ကျောင်းများနှင့် ချစ်လှစွာသော သူငယ်ချင်းများ ကို စွန်ခွါခဲ့ကြ ပါတော့သည်။ တချို့လည်း ဝမ်းနည်းဖွယ်ရာကောင်းလောက်အောင်ပင် တော်လှန်ရေးအတွက် အသက်ပေးရင်း စာသင်ကျောင်းများကို အပြီးတိုင်ကျောခိုင်းလိုက်ကြရပါသည်။ စိန်ပန်းတို့ ပွင့်နေကြသည့် စာသင်ကျောင်းများထဲ ကျောင်းသားများ ပြန်မလာနိုင်ကြတော့ပါ။ တချို့သော စာသင်ခုံနှင့် ခုံနံပါတ်လေးများတွင် ပိုင်ရှင်မရှိတော့ပါ။ တချို့သော ခုံတန်းလျားလေးများ နွေးထွေးမနေတော့ပါ။
“တော်လှန်ရေးထဲ စဝင်လာတော့ ကျနော်စစချင်းဝင်တဲ့အိမ်မှာ တော်လှန်ရေးနာမည် အာလူးဆိုပြီး မှည့်ထားတဲ့တယောက် ရှိတယ်ဗျ။ အဲ့တော့ ကျနော်ရောက်လာတော့ ကျနော်ကလည်း ရိက္ခာတွေ ဘာတွေ ပါလာတယ်၊ ပါလာတဲ့အချိန်မှာ တိုက်တိုက်ဆိုင်ဆိုင် ကြက်သွန်အိတ်ကြီး ထမ်းလာတာ၊ သူကလည်း ‘ဟေ့ကောင် ဒီမှာတော်လှန်ရေးနာမည်ပေးမယ်’ တဲ့ ကြက်သွန်အိတ်ကြီးမြင်တော့ ‘မင်းက ကြက်သွန်လုပ်လေကွာ’ တဲ့ ‘လုပ်ပေါ့ကွာ’လို့ဆိုပြီး တွင်သွားတာပဲ။ နောက် ကြက်သွန်ပဲ ခေါ်တော့တာ”
“လှိုင်းချောင်းပေါ်မှာဖြတ်ပြီးတော့ အဓိကမိန်းလက်တံ ရေပေးမြောင်းလုပ်ထားတဲ့ တံတားကျိုးသွားတာက အဓိကကျတယ်။ မိန်းလက်တံမြောင်းမှာ သွယ်တန်းထားတဲ့ လက်တံမြောင်း ၁၀ ခုရှိတယ်။ လက်တံမြောင်းတွေလည်း ပျက်စီးတယ်။ လက်ယာမြောင်းလည်း ပျက်စီးတယ်။ ပျက်စီးဆုံးရှုံးမှုမှာ ဧက ၂၇၀၀ ထဲမှာ နွေစပါးနည်းပြီးတော့ မိုးကြိုနှမ်း ဧက ကပိုများတယ်။”
ဇွန် ၂၂ရက်မှာတော့ မဲဇလီတံတားမှာ လက်နက်သယ်ပြီးပြန်လာတဲ့ ရဲဘော်တွေ သတင်းပေါက်ပြီး တိုက်ခိုက်ခံရလို့ အားလုံး ကျဆုံးသွားကြတယ်ဆိုတဲ့ သတင်း ကျမကြားခဲ့ရတယ်။ စကြားကြားချင်း စိတ်မကောင်းဖြစ်မိပေမယ့် သရက်၊ ကံမဘက်က ရဲဘော်တွေလို့ ထပ်ကြားရချိန်မှာတော့ စိတ်မကောင်းတာအပြင် စိုးရိမ်စိတ်တွေပါ ဝင်လာခဲ့ပါတယ်။ နီးစပ်ရာ အသိတွေဆီ လိုက်စုံစမ်းရင်း ကိုယ်စိုးရိမ်နေသလို မဟုတ်ပါစေနဲ့ပဲ ဆုတောင်းနေမိပါတော့တယ်။ သတင်းတွေထွက်ပြီး မကြာခင်မှာတော့ သေဆုံးရဲဘော်တွေကို တစနဲ့တစ သိလာရပါပြီ။ ၁၀ တန်းအောင် စာရင်းထွက်သလိုပါပဲ။ ရှေ့ဆက်မစုံစမ်းရဲဘဲ ရပ်နေမိတာလဲ ခဏခဏပါပဲ။
“နှမ်းပေါ်တဲ့အခါ ရလာမယ့် ငွေကြေးလေးတွေနဲ့ တော်လှန်ရေးလုပ်ဖို့ ရည်ရွယ်ထားတော့ နှမြောတာပေါ့၊ တချို့က သေနတ်ဝယ်ဖို့ ဒီထဲမှာ စုထားတာရှိတယ်၊ ရည်ရွယ်ထားတာတွေ အခုကျ လုပ်လို့မရတော့ဘူးပေါ့”
“လက်နက်ခဲယမ်းတွေ တောင့်တင်းအားကောင်းဖို့လိုပါတယ်။ လက်နက်ခဲယမ်းမရှိဘဲနဲ့လည်း နယ်မြေစိုးမိုးရေးတွေ လုပ်လို့မရဘူး။ စစ်ကောင်စီကို တိုက်လို့ မရဘူး။ လက်နက်ခဲယမ်းရဖို့ အရေးကြီးပါတယ်။ အဲတော့ ကာကွယ်ရေးဝန်ကြီးဌာနကလည်း လက်နက်ခဲယမ်းထောက်ပံ့မှုတွေကို ဒီထက်ပိုပြီး ကြိုးစားဆောင်ရွက်ပေး ပါလို့ ကျနော် အနူးညွတ်တောင်းဆိုပါတယ်”
အခု မိုခါ ဆိုင်ကလုန်းသွားမယ့်လမ်းကြောင်းက ရခိုင်၊ ချင်းနဲ့ အထက်အညာဒေသပါ။ ဒါပေမဲ့ ရခိုင်ရိုးမနဲ့ ချင်းတောင်တန်းတွေကို အမှီပြုထားတဲ့ ရေလှောင်တံမံကြီးတွေ၊ ဆည်ကြီးတွေရှိလေတော့ မကွေး တိုင်းနဲ့ စစ်ကိုင်းတိုင်းက ပြည်သူတွေအနေနဲ့ မုန်တိုင်းအန္တရာယ်အပြင် အညာဒေသမှာ နာမည်ကြီးတဲ့ တောင်ကျချောင်း၊ သဲချောင်းကြီးတွေကပေးလာမယ့် အန္တရာယ်ကိုလည်း အထူးသတိထားသင့်တယ်လို့ ဆိုချင်ပါတယ်။
"ကျနော်တို့စိုက်ခင်းလုပ်ဖြစ်တာက ၆ လလောက်ရှိပါပြီ၊ တပ်ရင်းရဲ့ရိက္ခာအတွက်နဲ့ စစ်ရှောင်ပြည်သူတွေကို ထောက်ပံပေးဖို့စိုက်တာပါ။ ရှေ့တန်းလည်းထွက်လိုက်ပါတယ်၊ နောက်တန်းမှာကျန်တဲ့အချိန် စိုက်ခင်းမှာရေလောင်းပေါင်းသင်တာ အသီးအနှံတွေခူးတာနဲ့ တခြားလိုအပ်တာတွေ လုပ်ကျပါတယ်လို့"
“အခုမှသာ ကျနော်တို့ အညာဒေသနဲ့ ပြည်မထဲမှာ ခံရတာကိုး။ အခုချိန်မှာ ပိုတောင်ရှက်မိပါတယ်၊ အရင်တုန်းက လွန်ခဲ့တဲ့ ဆယ်စုနှစ် ၁ ခုလောက်ကကျတော့ ကျနော်တို့ ဒီ တိုင်းရင်းသားဒေသမှာ ဖြစ်နေခဲ့တဲ့ စစ်ပွဲတွေအကြောင်း၊ နောက်ပြီးတော့ ဖိနှိပ်မှုတွေ၊ ညှဉ်းပန်းနှိပ်စက်မှုတွေ နောက် စစ်ရဲ့ ဆိုးကျိုးတွေ အကြောင်းကို ကျနော်တို့ မသိခဲ့လေခြင်းဆိုပြီးတော့ နောင်တတောင် ရမိတာမျိုးတွေရှိပါတယ်။”
အာဏာသိမ်းစစ်ခေါင်းဆောင် မင်းအောင်လှိုင်ရဲ့တပ်မှာ လက်ရှိတာဝန်ထမ်းဆောင်နေကြတဲ့ အရာရှိအဆင့်ဆင့်နဲ့ စစ်အာဏာရှင်တွေကို မွေးထုတ်ပေးနေတဲ့ တပ်မတော်စစ်တက္ကသိုလ် (DSA- Defence Services Academy) ဟာ အခုချိန်မှာ တဖြည်းဖြည်းနဲ့ ပျက်သုဉ်းရတော့မယ် အခြေအနေနဲ့ ရင်ဆိုင်နေရပါပြီ။
ဂျိုးသိန်းဇာတ်လမ်းက ဒီတင်ရပ်သွားတာမဟုတ်ပါဘူး။ အကျဉ်းထောင်တွေထဲက နိုင်ငံရေးအကျဉ်းသားတွေ ဘယ်လောက်ပဲ ဆေးလိပ်ငတ်နေ၊ ငတ်နေ ဂျိုးသိန်းဆေးလိပ်ကို မသောက်ကြဘဲ ဆန္ဒပြထားတဲ့ ဇာတ်လမ်းလည်းရှိပါသေးတယ်။ ဒါကတော့ အကျဉ်းသားတွေကို ချုပ်နှောင်ဖို့အတွက် ဂျိုးသိန်းလုပ်ငန်းက အင်းစိန်အကျဉ်းထောင်မှာ သံခြေကျင်း၊ ထောက်ခြေကျင်းတွေ လှူဒါန်းတဲ့ကိစ္စပါ။
အခုလည်း သင်္ကြန်ကာလ စစ်ဆင်ရေးနားနေတဲ့အချိန် ရဲဘော်တချို့က သာသနာ့ဘောင်မှာ သင်္ကန်းစည်းကြသလို စခန်းမှာကျန်ခဲ့တဲ့ရဲဘော်တွေတော့ စခန်းအတွက် မရှိမဖြစ်လိုအပ်နေတဲ့ ရေလောင်းအိမ်သာ ဆောက်လုပ်ခြင်းအပါအဝင် တခြားသောအလုပ်တွေကို စုပေါင်းကာ လုပ်အားပေးလို့နေပါတယ်။ အပင်ပေါ်တက်ပြီး သစ်ခုတ်သူက ခုတ်၊ မြေကျင်းတူးသူကတူး၊ အုတ်သယ်သူက သယ်နဲ့ တက်ညီလက်ညီ လုပ်နေကြတာဟာ တဦးပေါ်တဦး ရဲဘော်ရဲဘက်စိတ်ထားတယ်ဆိုတာကို အလုပ်နဲ့သက်သေပြသနေသလိုပါပဲ။
“သူတို့(ကျူးလွန်သူ)တွေကို စဖြစ်တဲ့ကာလတွေမှာ သူတို့ကိုအရေးယူမယ်လို့ထင်တယ်၊ စောင့်လည်း စောင့်ကြည့်ခဲ့တယ်ပေါ့။ ဒါပေမဲ့ ဖြစ်တဲ့ကာလကနေ ခု ၇ လကျော်လောက်အထိ ပထမဆုံးအကြိမ် ဆိုတာမျိုး တောင် ရုံးချိန်းစစ်ဆေးတာမျိုး မရှိဘူး။ အမှုနဲ့ပတ်သက်လို့ ဘာမှတည်ဆောက်ထားတာလည်း မရှိဘူး။ ပြီးတော့ ဒီဖြစ်စဉ်က ကျနော်တို့ PDF တွေအကုန်လုံးရဲ့ဂုဏ်သိက္ခာပိုင်းကိုလည်းထိခိုက်တယ်။ အဲတာကြောင့် အခုကာလမှ သတင်းဌာနကနေတဆင့်ထုတ်ဖော်တာပါ”
ထို့ကြောင့် စစ်ကောင်စီ၏ လေယာဉ်များကို တိုက်ရိုက်ဖျက်ဆီးနိုင်ပါက အကောင်းဆုံးဖြစ်ပြီး ယင်းသို့ မဖျက်ဆီးနိုင်ပါကလည်း လေယာဉ်ရှိမည့်နေရာသို့ အသက်ရင်းကာ သွားရောက် ပစ်ခတ်တိုက်ခိုက်မည့်အစား လေယာဉ်တက်မည့်ပြေးလမ်းများကို ဖျက််ဆီးတိုက်ခိုက်သင့်သည်ဟု စစ်ကောင်စီတွင် တာဝန်ထမ်းဆောင်ခဲ့သည့် CDM လေတပ်အရာရှိက အကြံပြုသည်။
Sharing Information to the Local