“ပြာပုံမှာက လူအယောက်ရယ် မသိရဘူး။ အရိုးကို ပြာကျအောင် ရှို့ထားတာဆိုတော့ ခန့်မှန်း ၄၊ ၅ ယောက် လောက်ပေါ့။ ၂ယောက်လောက်ကတော့ လွတ်နိုင်တဲ့အနေထား ရှိသေးတယ်ဆိုပြီး စခန်းနဲ့ တော်တော်ဝေးတဲ့ နေရာတွေအထိ လိုက်ရှာပြီးပြီ။ မတွေ့တော့လို့ ၇ ယောက်လုံး အသက်ပေးလိုက်ရပြီလို့ သတ်မှတ်လိုက်ပါပြီ"
“တအိမ်ကို ၂ ခန်းပါလို့ လူ ၅ ယောက်ကတော့ ကျယ်ကျယ်ဝန်းဝန်း နေလို့ရတယ်။ မိသားစုဦးရေကိုကြည့်ပြီး ၃ ခန်းမှလောက်တယ်ဆို ၁ ခန်းကတော့ သူတို့စိုက်ပေါ့။ ကျတော်တို့ကတော့ အခန်း၂ ခန်းနဲ့ အိမ်တလုံး အခမဲ့ဆောက်ပေးတယ်။”
“၂ ယောက်က ပြည်သူ၊ ၁ ယောက်က PDF၊ လူတွေပိတ်မိနေလို့သွားခေါ်တာကို သူပါအသတ်ခံလိုက်ရတာ။ ဝေဟင်ပစ်တဲ့နေ့က နှိပ်စက်ခံရပြီးမှ ပစ်သတ်ထားခဲ့တာ"
“ရဲဘော် ၆ ယောက်လောက်က အဆက်သွယ်ပြတ်သွားတယ်။ မိသွားတာလား ဘာလားတော့ မသိဘူး။ ကျန်တဲ့ရဲဘော်တွေကတော့ လွတ်မြောက်လာတယ်။ ဝေဟင်ကတောင် နေရာအတိကျနဲ့ လာနိုင်တယ်ဆိုတော့ အဓိကသတင်းပေါက်တာ၊ မြေပြင်ကနေ စစ်ကောင်စီကို သတင်းပေးတဲ့သူတွေ ရှိလို့ပေါ့။ ဒလန်လို့ခေါ်ရမှာပေ့ါ။ အဲ့လိုလူတွေကြောင့် အခြေစိုက်စခန်းတွေကို စစ်ကောင်စီက သိတာ။ သူတို့အကြောင်းမကြားရင် သိစရာအကြောင်းမရှိဘူး”
“ကောလိပ်ဝန်းထဲက ကြိုစောင့်ပြီးတိုက်ခဲ့တာ၊ ကျနော်တို့ သတင်းရတာ သူတို့ထွက်လာတဲ့ချိန်က ၇ နာရီလောက်ပေါ့။ ဒါပေမယ့် ဒီမနက် ၅:၃၀ လောက်မှာ ထွက်လာတော့ ထင်သလောက် မအောင်မြင်ဘူး။ တယောက် သေတယ်။ ၅ ယောက် ဒဏ်ရာနဲ့ ထွက်ပြေးသွားပါတယ်"
“သူ့ကောင်မလေးက အဝေးကနေ ချိတ်ဆက်ပြီး ကျနော်တို့ကို suprise လုပ်ပေးဖို့ တောင်းဆိုခဲ့တာ။ သူ့ကောင်မလေးပို့ပေးလိုက်တဲ့ suprise box နဲ့ မွေးနေ့ကိတ်ကို ရဲဘော်လေးတွေက သွားယူပေးထားပြီး suprise လုပ်ခဲ့ကြတာ။ အဝေးကဆိုတော့ ရောက်လာလိမ့်မယ် ထင်မထားဘူးလေ။ အံ့သြသွားပြီး မျက်ရည်တွေ ဝဲလာတော့တာပဲ”
“သူက သထုံဘက်က တိုင်းရင်းသားဗျ၊ အရင်က လက်ဝှေ့ဝါသနာပါလို့ ကြိုးဝိုင်းလေးတွေထဲမှာ ထိုးတယ်၊ အာဏာသိမ်းတော့ သူနိုင်တာကူလုပ်ပေးမယ်ဆိုပြီး ဒီဘက်ထဲရောက်လာတာ၊ သူ့ဝါသနာကိုအမှီပြုပြီး ကျနော်တို့ကတော့ ချစ်စနိုးနဲ့ လက်ဝှေ့လို့ အများစုကခေါ်ကြတယ်၊ ကြယ်လေးလို့လည်းခေါ်တယ်"လို့ မဟာမိတ်အဖွဲ့ တာဝန်ရှိသူတဦးက ပြောပါတယ်။
“လေကြောင်းက မနက်အစောကလာပြီး ကျည်ကုန်အောင်ပစ်ခဲ့တာပဲ၊ လေကြောင်းပစ်တာနဲ့ မြို့ထဲကနေ လက်နက်ကြီးအမြဲထု ကူတယ်လေ၊ လက်နက်ကြီးရယ်၊ ပုဇင်း (စစ်ရဟက်ယာဥ်)ရယ်ကြောက်ရလို့ ရွာအနားတဝိုက်တွေ ကပ်လာပြီဆိုတာနဲ့ ရှောင်ရတာ၊ လေကြောင်းက ၃၁ ရက်နေ့က တခါ၊ ဒီနေ့ ၁ ခါလာပစ်တယ်"လို့ ကလေးမြို့ဒေသခံတဦးက မြေလတ်အသံကို ပြောပါတယ်။
“Myingyan GZ groupက အညာလဲကူ၊ လက်ဆောင်ယူ မဲရောင်းရငွေနဲ့ လှူဒါန်းတာဖြစ်ပါတယ်။ မီးဘေးသင့်အိမ်တွေအတွက် တအိမ် ၅ သောင်းကျပ်နှုန်း လှူနိုင်ခဲ့ပါတယ်။ မူလတန်း၊ အလယ်တန်း ၊ အထက်တန်းအထိ သင်နေတဲ့ကျောင်းတွေကိုလည်း လှူနိုင်ခဲ့တယ်”
“မနက်အစောထဲက ဖြစ်နေတာ၊ လေယာဥ်ပစ်ကူကို ၁၀ နာရီလောက်ကနေစတင်တာဗျ။ လေကြောင်းမလာခင်ထိတော့ ကိုယ့်ဘက်က အခြေနေကောင်းပါတယ်။ အဲ့နောက်ပိုင်းတော့ အတိအကျပြောလို့ မရသေးဘူးဗျ။ ခုနကလေးတင် ပစ်နေဆဲပါ။"
“ခုက တပ်ဖြောက်ပြီးငြိမ်နေကြတယ်၊ မနက်ကထိတွေ့မှုဖြစ်ပီးကတည်းက ဘယ်ဘက်ကမှ ပြန်မလှုပ်ရှားသေးဘူး၊ ညတော့မပြောတတ်ဘူး၊ စစ်ကြောင်းတွေကြောင့် ပြည်သူတချို့ကတော့ တောထဲရှောင်တယ်၊ တချို့ မြို့ပေါ်လည်းရှောင်ကြတယ်၊ မရှောင်တဲ့သူလည်းအနည်းအကျဉ်းရှိတယ်"
စစ်ကိုင်းတိုင်း၊ မြောင်မြို့နယ်ထဲက ကျေးရွာတရွာမှာ မိုးခါးရေရုပ်ရှင်ဇာတ်လမ်းပြသပြီး နိုင်ငံရေးအကျည်းသားဟောင်းတွေက ဟောပြောပွဲပြုလုပ်ခဲ့ကြတယ်
“လေဖြတ်ထားတဲ့ ဘိုးဘွားတွေ၊ သက်ကြီးရွယ်အိုတွေနဲ့ ကလေးတွေကို အရေးပေါ်ကယ်တင်ထားရတယ်။ နေ့လည်ပိုင်း မီးရှို့ခံရပြီး ညပိုင်း နယ်မြေရှင်းလင်းရေးနဲ့ စစ်ရှောင်ပြောင်းရွှေ့ရေး လုပ်ရတယ်။ ပြည်သူတွေကိုလည်း ကျနော်တို့ ခံစစ်အဝန်းအဝိုင်းအတွင်းက နယ်မြေစိုးမိုးပြီးသား ကျေးရွာတွေကို ပြောင်းရွှေ့အခြေချထားပါတယ်"
“အဓိက ဦးစားပေးတာတော့ လေ့ကျင့်ရေးပိုင်း သင်တန်းပိုင်းကို ဦးစားပေးတယ်။ လေ့ကျင့်မှုတွေက အတွေ့ကြုံရှိတဲ့ဆရာတွေကနေပြီး သင်ကြားပေးတာဖြစ်တယ်။ တနိုင်ငံလုံးမှာလည်း အင်တိုက်အားတိုက်နဲ့ သင်တန်းတွေ လုပ်နေကြပါတယ်။ မကြာတော့တဲ့ကာလမှာ အရည်ချင်းပြည့်ဝတဲ့ စစ်သားကောင်းတွေ ပေါ်ထွက်လာတော့မှာပါ။"
"ရွှေတွေနဲ့ တန်ဖိုးကြီးပစ္စည်းတွေတော့ စစ်ကောင်စီဘက်က ယူသွားတယ်။ ပြီးတော့ မျှောထဲမှာ ကျန်ခဲ့တဲ့ အလုပ်သမား ၅ ယောက် ရွာသား ၂ ယောက် အသတ်ခံရတယ်။ ပစ်သတ်ပြီး သဲသောင်ပြင်မှာ မြှုပ်ခဲ့တာ။ ခုပြန်ဖော်ပြီး ဘယ်သူတွေဆိုတာ စစ်ဆေးနေကြတယ်"
Sharing Information to the Local